Anke Nissen
Toxisch Planten


Na Folg 1, Folg 2, Folg 3, Folg 4, Folg 5, Folg 6, Folg 7, Folg 8, Folg 9, Folg 11


Tollkirsche (Atropa belladonna)

  • Giftig Bestanddeel: Belladonna-Alkaloide
  • Besünners giftig Plantendele: de Kirschen:
    • Twee bet fiev Beeren köönt bi lütte Kinner al de Dood bringen.
    • Tödlich Dosis för utwussen Lüüd = 12 Kirschen.
  • besünners upfallen Symptome:
    • Wiede, grote Pupillen
    • hitte, rode Huut un Fever
    • dröög Sliemhuut
    • Pulsslag warrt snell, gau
    • Dorto kaamt Symptome as:
      • Unruh
      • Angst
      • Krämpfe
      • Hart-Rhythmusstörung
      • Atem warrt lähmt0
      • Bet hen, dat de Kreislauf un dat Hart stahn blieven
  • Eerst Hölp:
    • Den Kranken to'n Erbreken bringen, man blots denn, wenn he keen Krämpfe hett
    • Kolle Ümslääg gegen dat Fever un de Hitten

De Tollkirsch mit Blöden un Beeren

De Tollkirsch is en Nachtschattengewächs un dormit en Verwandte vun de Kantüffel. "Belladonna" (schöne Fru) warrt se nöömt, wieldat ehr Gift in heel lütte Dosen de Pupillen grötter maakt un Fruuns dordör schöner wirkt. Avers keen Experimente maken! Ik heff leest, dat in fröher Tieden Tollkirschen bruukt worrn sünd, üm ganze Armeen starven to laten.

In'n tweten Weltkrieg hebbt düütsche Chemiker en Nervengift erfunnen, dat bi 't Inaten den Dood bröcht hett. As Gegengift gell dat Gift ut de Tollkirsche: Atropin.

As Saddam Hussein in'n 2. Golfkrieg Nervengift insetten wull, hebbt vele Lüüd sik prophylaktisch Atropin sprütt. Se sünd alltohoop storven, denn de helpen Wirken as Gegengift is blots, wenn een vörher dat Nervengift inatent hett.

Stechapfel (Datura stramonium)

  • Besünners giftig: de Samen, Bläder un Blöden
  • Gift: Atropin
  • Symptome un eerst Hölp: as bi de Tollkirsche
  • besünners upfallen Symptome:
    • Wiede, grote Pupillen
    • hitte, rode Huut un Fever
    • dröög Sliemhuut
    • Pulsslag warrt snell, warrt gau
    • Dorto kaamt Symptome as:
      • Unruh
      • Angst
      • Krämpfe
      • Hart-Rhythmusstörung
      • Atem warrt lähmt
      • Bet hen, dat de Kreislauf un dat Hart stahn blieven
  • Eerst Hölp:
    • Den Kranken to'n Erbreken bringen, man blots denn, wenn he keen Krämpfe hett
    • Kolle Ümslääg gegen dat Fever un de Hitten

     

Ut Amerika stammt de Plant, de vundaag överall op de Welt wild un faken op Schutthalden wasst. De smucken Blöden apent sik bloots nachts för de Insekten, de denn aktiv sünd.

De hele Stechapfel-Plant is giftig. Wenn Kinner etwa 20 Samen vun'n Stechappel eet, bringt dat den Dood.


30.11.2021


na baven