Anke Nissen
Toxisch Planten


Na Folg 1, Folg 2, Folg 3, Folg 4, Folg 5, Folg 6, Folg 7, Folg 8


Harvsttietlose (Colchicum autumnale)

  • Besünners giftig: de Samen un Blöden.
  • Sien giftig Bestanddeel: Colchicin (en Alkaloid)
  • Al de Dosis vun 1,2 - 1,5 Gramm Samen bedüüdt för Kinner den Dood.
  • Eerst na en Latenztiet vun 2 bet 5 Stunnen markt een de Vergiften.
  • De Symptome na de Upnahm sünd binah as bi en Arsenvergiften:
    • dat brennt un kratzt in'n Hals,
    • man hett Kolik un wässrig Dörchfall
    • dorto Erbreken
  • De Dood passeert dörch Atemlähmen un Tosamenbreken vun 'n Kreislauf. Un allens bi vull Bewusstsien.
  • Eerst Hölp: Medizinisch Kohle un Natriumsulfat

De wunnerschöne Harvsttiedlose is en enge Verwandte vun den Krokus. De een höört in'n Lent, de anner in'n Harvst. Man de smucke, zaarte Harvsttiedlose is bannig giftig. De hele Plant!

In't Fröhjohr köönt de Bläder vun de Harvsttiedlose mit de vun den Bärlauch verwesselt warrn. Ik heff leest, dat en Mann vun 70 Johr ut Versehen Harvsttiedlose-Bläder mit Bärlauch tohoop plückt un eten hett. Twee Daag later weer he doot.

Oleander (Nerium oleander)

  • Giftig: all Delen
  • Gift: Hartglykoside
  • Symptome bi' t Vergiften sünd jüst so as bi 'n Fingerhoot:
    • Övelsien
    • Breken
    • Koliken
    • Blödig Dörchfall
    • Een kann nich mehr goot kieken
    • Kreislauf-Kollaps
    • Krämpfe
    • Koma
    • Dood dörch Stillstahn vun 't Hart
  • Eerste Hülp:
    • Medizinisch Kohle
    • Natriumsulfat as Abführmittel
    • Veel drinken!

De attraktive Oleander stammt ut den Middelmeerruum un verdriggt keen Frost. He hett witte orr rosa Blöden.

Alle Dele vun de Plant gellt as giftig. 15 g Bläder orrer 8 bet 10 Samen köönt enen utwussen Minschen starven laten. Dörch de Inhaltstoffe warrt allens betäubt, wat dormit in Berühren kümmt. De Mund warrt ahn Geföhl. Dat Ersticken folgt denn na ca. dree Stunnen. Ik heff leest: Soldaten in Spanien hebbt in'n Sommer 1813 Kaninken an'n apen Füür braadt, grillt. As Spieß hebbt se Telgen vun 'n Oleander sneden. An'n annern Morgen weern se alltohoop dood.


29.10.2021


na baven