De falsche Körbs

De Körbs för düsse Fier is holl,
strahlt mit Latücht binn' schöön un grient.
So is't an Halloween to sehn.
Man düsse lütte hier is voll --
an'n Stengel is he gröön un schient
doch glatt en Appelsien to ween!

Moinmoin, leve plattdüütsche Maten un Frünnen!

 

Ja, de Appelsinentied kümmt nu ok bald, wenn de Körbsentied vörbi is! Man to Halloween schulln Se düsse Frücht nich verwesseln -- dorvör wohrschuugt uns Schüddelriemel.

 

De Oktobermaand weer wedder en vulle Maand bi Plattpartu. (Man wennehr is dat nich so?) An füng dat mit dat schöne Aarndank-Fest, to dat Sabine Stürzer en Predigt för dree Stimmen schreven hett. In Halle hett bloots en Holtdöör en Katastrooph verhöödt. De Nobelpriesen woorn vergeven, wat Wolfhard Sauerbrey en beten füünsch maakt hett. Un natüürlich woor de leidige Klock wedder trüchstellt -- Anlaat för en lütten Siedenknuff vun Jutta Lammèr. De smucken Kävers, de uns Akrobaten vun'n Maand sünd, starvt nu. De Harvst kümmt mit Macht un Wind -- un mit Regenversen. Wi singt de güllen Daag en Avendleed. De Insekten hebbt ehr Larven för den Winter good verpackt. Op uns Kinnersiet blöht toeerst de letzte Wischenbloom, nämlich de Harvsttiedlose, denn fleegt uns ok dor de Bläder üm de Ohren

 

Nu heet dat sik na binnen vertrecken un t.B. Rosenkohl pellen. Kannst ok ole Frünnen besöken orr di op plietsche Wies Bewegen an de frische Luft verschaffen, ahn natt to warrn. Un denn kannst di Geschichten anhören -- Geschichten to'n Högen un Schüddköppen vun männermordende Vamps, groffen Seemannshumoor, Hunnenbesitters ahn Barmen un pennschieterige Knickerbüdels. Un wenn du di truust, dat melodische, vokaalrieke westfäälsche Platt to lesen, denn staunst du över de Levensgeschicht vun en plattdüütschen Dichter, de ünner de Indianers leevt un sik för ehr insett hett.

 

Ja, in'n Nevelmaand kaamt nu de stillen Daag mit Dodengedenken, un denn nimmt de Tied de Kehr un suust dör dat Wiehnachtsfest bargop. Un wenn de Lent wedder kümmt mit frische Telgen un Vagelsang, denn weetst, woans du di en Fleitpiepen buun kannst.

 

Bet dorhen leest wi uns avers noch faken. Hebbt Se schöne Harvstdaag!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

In'n Regen. Fotos un Verse vun Katja Renfert    (16.10.)
Notizen ut'n Märzmaand. Fotos un Verse vun Marlou Lessing    (4.10.)


De Welt un Gott:

De Giezknüppel. Vun Heinz Tiekötter    (27.10.)
Dat Leit in uns Hand. Vun Marlou Lessing    (27.10.)
Rouladen un Rosenkohl. Ballaad vun Addi Kahl    (27.10.)
Seemannsgarn: Dat Seemannsgraff in de Mess. Vun Günter Sohnemann    (24.10.)
Van Kiel nao Arizona -- däi, wecke däi Apatschen kannte. Gustav Harders Biografie, opschreven vun Jürgen Brake    (22.10.)
Harvstspazeergang. Vun Klaus-Dieter Tüxen    (19.10.)
Is Harvst -- singt en Leed! Choralöversetten vun Marlou Lessing    (16.10.)
De Zarnekower Häuhnerdeif. Vun Egon Foitzik    (13.10.)
Predigt to Aarndank: De rieke Koornbuur un de Blixafleidermann. Vun Sabine Stürzer    (6.10.)

In't Erinnern-Notizbook:

        So bawt man eine Fleitpiepen. Vun Ludgerd Lüske    (6.10.)

In't lütte Gebeedbook:

        En Beden to Aarndank. Vun Marlou Lessing    (6.10.)


Natuur un Wetenschap:

De blengerige Hans. Vun Ewald Eden    (27.10.)
Luftakrobaten 2019: De Roodhalsbockkäver. Vun Thomas Seemann un Marlou Lessing    (4.10.)

In't aktuelle Natuurnotizbook:

        Bloots keen Stress mit de Jungs!    (22.10.)
       
Dat weer de Gallwöps!    (19.10.)
       
Wat is dat denn?    (16.10.)


Wat in de Welt vörgeiht:

De Nobelpries. Vun Wolfhard Sauerbrey    (31.10.)
Ehestriet. Vun Heinz Tiekötter    (27.10.)
De ole Fründ. Vun Wolfhard Sauerbrey    (4.10.)

In Jutta Lammers Blog Oogenblick mal:

        Ut de Tiet fullen?    (22.10.)
        "
Bewegung an de frische Luft"    (4.10.)

...un veer niege Indrääg in Marlous plattdüütsch Notizbook.


För Kinner:

Modder Sünn ehr Kinner: Vun reislustige Bläder. Vun Sophie Reinheimer, överdragen vun Klaus-Dieter Tüxen     (24.10.)
Modder Sünn ehr Kinner: De letzte Wischenbloom. Vun Sophie Reinheimer, överdragen vun Klaus-Dieter Tüxen     (13.10.)


Platt to Hand:

De 5 Hochtieden. Vun Egon Foitzik    (13.10.)



Hartlich grööt

Marlou Lessing un dat lütt Plattpartu-Team