Z
En Teken nöömt wi en Bookstaav un alle sine Verwandten. Dat gifft heel vele; ok Symbole, Währungsteken, greeksche orr kyrillische Bookstaven, Smileys usw. sünd Teken. Ok en Leerteken is en Teken! Dat kann op ünnerscheddlich Wies codeert ween: t.B. na den Unicode-, ASCII- orr den ANSI-Code. Natüürlich warrt Teken, as allens in'n Computer, dör Tallen codeert. — Süh ok bi Sünnerteken.
Kennt een den Code vun en Teken, denn kannst dat Teken un överhaupt alle Teken mit de Tastatuur tostann bringen. Nehmt Se sik en Dokment in en Textverarbeitungsprogramm, drückt Se denn de Alt-Taste op de Tastatuur dal un denn tosättlich poor Tallen op den Nummernblock rechts. Denn warrt dat Teken inföögt, dat mit düsse Nummern (ASCII-) codeert is. Alt + 126 gifft t.B. de Tilde ~. Se köönt avers alle mööglichen Teken tostann kriegen.
Nafolge-Bedreevssystem vun BeOS. En düütsche Firma hett dat vun de Firma Bee köfft un arbeit wieder doran (Stand Harvst 2004).
Dormit is en Muustechnik meent: Se klickt mit de Muus op en Objekt, hollt de Muustast daldrückt un treckt denn de Muus an en anner Steed. Dat Objekt kümmt mit (wenn allens sin Richtigkeit hett), un dat nöömt een "dat Objekt trecken". Sodraad Se de Muustast loslaat, fallt dat Objekt an de niege Steed. — Faken kann een in Grafikprogramme ok Rechtecke optrecken, liekso mit daldrückte Muustast, man ahn dorbi op en Objekt to telen, orr een markeert stückerwat Objekten, indem dat een en Rechteck üm ehr optreckt. — Fazit: Trecken heet jümmers de Muus mit daldrückte Tast bewegen.
De Deel vun de Tastatur, de heel rechterhand sitt un de Tasten mit Nummern un Rekenteken bavenop hett. Düsse Deel is dorto dacht, dat een Tallenkolonnen bloots mit een Hand un veel gauer ingeven kann as mit de Tallentasten in den Haupt-Tastenblock. Man de Ziffernblock funscheneert bloots denn as Ziffernblock, wenn de Ziffernmodus an is; dorto warrt de Taste NUM drückt. En lütte LED jichenswo rechterhand op de Tastatur lücht, wenn de Ziffern-Modus an is. De lütte LED is mit NUM orr mit en 1 kenntekent. — Wenn de Ziffernmodus ut is (NUM-LED lücht nich), denn gifft dat keen Tallen, wenn Se op den Ziffernblock rümmerkloppt; dat versett bloots den Cursor. Denn mööt Se de Taste NUM eenmal drücken.
En packte Datei, de stückerwat annere Datein steken köönt. De Zip-Datei is avers alltohoop lütter un hanniger as de Datein, de dor inpackt sünd. Zip-Datein warrt mit en bestimmtes Packprogramm maakt, mit WinZip. Süh ok bi Zippen.
Hett nix mit dat Zippen to doon. Dat Zip-Loopwark is en besünner Typ vun Loopwark, de mehrst för Sekerungskopien bruukt woor. Is meist utsturven — dat Sekern op CDs un anner Datendregers is komodiger.
En Datei mit dat Packprogramm WinZip to en lüttere Datei ümwanneln. Datein, de zippt sünd, hefft de Endung .zip.
Utspraken "Suhm". Dat Woort ut de Fototechnik bedüüd so veel as "Vergrötterungsfaktor", un dat heet dat ok in'n Computerberiek. In mennig Programme köönt Se sik dat Dokment orr en Utsnitt dorvun vergröttert wiesen laten. So kannst enkelte Details beter bekieken. De Zoom-Funkschoom is mehrst op de Symboolliest vun Programme to finnen, un wenn nich, denn stekt se in't Menü Ansicht. — Dat Bild rechterhand wiest de Zoomfunkschoon in Microsoft Word.
En lütten Beriek vun'n Spieker (RAM) vun Windows, de to'n Daten-Uttuuschen twüschen Programme deent. De Twüschenaflaag is'n Deel vun'n RAM un dorwegen keen duurhaftigen Spieker. Wenn de Stroom ut is, warrt de Twüschenaflaag löscht, liekso as de ganze RAM. Bi't Starten vun'n PC is se denn ok lerrig.
Se köönt Daten (t.B. en Bild, en Partie Text), de Se woanners hen transporteern wullt, in de Twüschenaflaag opnehmen. Dorto markeert Se toeerst de Daten, un denn geevt Se entweder
1. den Befehl Bearbeiten | Kopieren: Dat Oginaal vun'e Daten blifft an sin Steed, en Kopie kümmt in de Twüschenaflaag. Süh ok bi Kopieren.
2. oder den Befehl Bearbeiten | Ausschneiden: Dat Oginaal vun'e Daten verswindt vun sin Steed, en Kopie kümmt in de Twüschenaflaag.Dat, wat Se utsneden orrer kopeert hebbt, is nu in de Twüschenaflaag un blifft dor. Se köönt dat jümmers wedder infögen. Wenn Se t.B. en Bild kopeert hebbt, köönt Se nu in't Textprogramm wesseln un dat dor wedder infögen — ok teihnmal. Wenn Se wat anners kopeert oder utsneed, fliggt de ole Inholl rut ut de Twüschenaflaag, un dat Niege warrt "merkt". Wenn Se den PC utschalt, warrt de Twüschenaflaag löscht.
Normalerwies hett nipp un nau een Objekt in de Twüschenaflaag Platz — een Bild, een Tabell, een Textutsnitt usw. Man in Microsoft Office gifft dat siet de Verschoon 2000 en verbeterte Twüschenaflaag, 'neem bet to 24 Objekte in Platz hebbt. Dat gellt avers bloots för den Datenuttuusch mang de Office-Programmen.
Tipp: Keen Menü Bearbeiten to sehn? Denn probeert Se mal dat Kontextmenü (rechte Muustast) oder den Tastengriep Strg+V. Dat is universell in Windows un funscheneert ok noch in Dialoogfinster un sowat, 'neem dat süss keen Menü gifft.
Zoom