Dat Kruut för'n Saatmaand: Bärendruuv vun Anke Nissen Arctostaphylos uva ursi orrer Arbutus uva ursi Familie Ericaceae (Heidekrautgewächse) |
|
|
Anner Namen: |
Bärbenerstaude, Bärentee, Bärentraube, Bewell, Garben, Granten, Harnkraut, Mehlbeere, Mehlgranten, Moorbeere, Moosbeere, Rausch, Rauschgranten, Sandbeere, Steinbeere, Totenmyrte (Schlesien), Wilder Buchs, Wolfsbeere Plattdeutsch: Bärenbeer, Bärendruuv, Mehlbeer, Moosbeer, Sandbeer, Steenbeer Englisch: bearberry |
|
Sammelt warrt:
|
Folia Uva ursi, Bläder vun junge Planten, vun'n April bet Juni. |
|
Warrt bruukt: |
gegen bakterielle Harnwegsinfektion |
|
So warrt't anwennt: |
|
|
|
||
De Bärendruuv is en lütt, över de Eerd krupen, dal-liggen,
jümmers gröön Plant. Vörkamen deit de Plant in nordisch Landen, in Norddüütschland bet hen na de Weser. Se wasst geern up dröög Sandbodden in'n Wald, up de Heid. In West- un Süüddüütschland findt wi de Bärendruuv selten, meist blots in de Bargen up steenig Avhänge. De Bärendruuv is licht to verwesseln mit de Preißelbeer, de beiden sünd aver goot to ünnerscheiden:
|
||
|
||
Dat
warrt seggt, dat Bären de roden Beeren vun de Bärendruuv geern
freet, dorher sall de Plant den Namen kregen hebben. Dat warrt ok seggt, de Plant hett dorüm den Namen "Bärendruuv" kregen, wiel se dor wasst, wo de Bären leevt. Up jeden Fall is de Naam "Bärendruuv" en Översetten vun sienen wissenschaftlich Namen: árktos staphylé = griechisch: arctos = Bär, staphyle = Druuv. ursus uva = latiensch: ursus = Bär, uva = Druuv. De Naam "Totenmyrte" för uns' Bärendruuv wiest dor up hen, dat dit Kruut dit jümmer gröön Kruut ähnlich bruukt worrn is, as ik dat al bi Rosmarin beschreven heff: Dat Kruut sull helpen gegen böös Geistervolk:
Man kann also seggen, de Bärendruuv hett den Minschen in de nordisch Länder dörch sien ganz Leven bistahn. |
||
|
||
De
nordisch Völker hebbt Bärendruven all jümmers as Heilkruut
bruukt. In en oll Krüderbook ut Wales "Meddygon Myddway" ut dat 12. Johrhunnert warrt al vun uns Bärendruuv schreven. Richtig bekannt worrn as Heilkruut is de Plant aver eerst in't 18. Johrhunnert. In mien Kinnertiet wörr in uns Familie "Bärentraubenblättertee"
jümmers anwendt, wenn dat Blasen- orrer Nieren-Besweer geev.
Bärendruvenbleder wirkt keimhemmend up de Harnweeg. Na mien Erinnern
faarvt de Harn sik na dat Drinken vun dissen Tee gröön. Fröher weer de Bärendruvenblädertee ok wohl en lichtes Mittel, üm de Wehen in'n Gang to bringen. De Plant hett veel Gerbstoff in sik. Dorüm wörr se fröher ok to'n Gerben vun Ledder bruukt un ok to'n Farven vun Wull. Hüüt warrt Bärendruvenblädertee bruukt, wenn't katarrhlich Besweer in' t Nierenbecken, in'n Harnleiter, in de Blaas orrer in de Harnröhr gifft. |
||
|
||
Bärentraubenblättertee
Teemischung gegen chronisch Blasenbesweer
Wichtig: Blasen- un Nierenlieden sünd Krankheiten, de jümmers en Ünnersöken vun enen Arzt bruukt! |
||
|