 |
|
Öllere Daagbook-Notizen vun Marlou |
|
|
20.12.04 ...Ok noch Ideen klaun!! Nee ok! Gistern schriff ik dat över Laurenz Meyer, un an'n neegsten Dag leest wi in "Spegel online": Meyer kündigte indes an, einen Teil der Summe den SOS-Kinderdörfern zu spenden. — De Idee kümmt vun Plattpartu!! Man woso "einen Teil"? Hett he den ganzen Rest villicht dringender nödig as de SOS-Kinner? Schaamt he sik noch nich? Na, un ok Fru Merkel hett sik bi uns bedeent: Se sä, Meyer harr
"einen Fehler gemacht". To'n Sluss dat Ganze tosamenfaat vun uns Leser un Mitmaker Jörg Hartmann in en Limerick, de jüst in min Kassen fladdert is:
Mehr Limericks vun Jörg Hartmann gifft dat blangbi op www.numanto.de. |
|
|
19.12.04 ...Arme Laurenz Meyer! Ja wat hier, nich lachen! Dat meen ik heel eernst. Wokeen much sik woll so blameern, as Laurenz Meyer dat daan hett? De Mann mutt sik ja in Grund un Boden schamen! De Moraalapostel vun'e CDU, de Held vun'e "Werte-Debatte", hett blangenbi vun'n Stroomkonzern en vulles Gehalt för nix instreken — en Tied lang hett he sogoor dreefach kasseert: sin Gehalt as CDU-Generaalsekretäär, dat Gehalt vun'n Stroomkonzern un sin Diäten as Landdagsmitglied in Noordrhein-Westfalen. Un nu is he ganz verbaast — de Mann is dat allens doch gar nicht wies worrn! So'n poor hunnertdusend Euro, de fallt doch nich op op so'n Konto... Nee, dat is so schaneerlich, dat schuddelt een richtig, wenn een bloots an denkt. Un dor schull een de Mann nich leed doon? "Ach Gott, öffentlich bloßgestellt, und der Mann muss nun auch Weihnachten feiern mit seiner Familie", sä min Moder vull Mitgeföhl. Ja, dat mutt een den Maag ümdreihn, nich? Wokeen kann dor schon vun Harten "O du fröhliche" singen? — Man een Saak is wohr: Geld noog to'n Geschenkeköpen hett de Mann. Anschienen keem em dat dorop ja ok besünners an. Süss harr he dat ja so nich maakt. He harr man bloots nienich mit rekent, dat em dat mal schaneerlich warrn kunn. Nu hett he dick Geld, is avers blameert. Nu denkt he sik, "weer ik man lever rein an'e Gräten un beten wat klammer in't Portjuchee bleven!" Man dat harr he villicht jichenswenn ok beduert... De Minsch wünscht sik doch jümmers, wat he nich hett. Un wokeen weet schon, wat he sik mal wünschen warrt? Süss weer't doch verwunnerlich, dat de ganzen Politikers nich eenfach 5000 Euro per Maand för sik behollt (dat is ja nu jüst nich to wenig, nich?) un den ganzen Rest, egaal vun woneem dat kümmt, man pauschal an de SOS-Kinnerdörpen överwiesen laat. Direkt vun'e Bank weg. Dat weer doch eenfach, un nüms wöör meckern, wenn se de Millioonen vun'e Industrie, Vörstandsposten, Bestechungsgeller un süsswat för dubioose Gelder eenfach wegschenkt. Harr Meyer dat daan, denn weer he de Held! En Robin Hood, de de Konzerne dat Geld afnimmt un dat an de Armen verdeelt! Sogoor de Diäten dröffen de Afgeordneten sik denn erhöhen — dat Volk weer vull inverstahn, wenn dat ja sowiso allens an de SOS-Kinnerdörper geiht... — Man nee, se wüllt dat nich. Se wüllt partu dat Geld instrieken. Un nu sünd se blameert. To Wiehnachten. Se hebbt dat so wüllt. Na denn. Nu nich jammern — tapfer blieven! Lachen! Singen! Fröhliche Wiehnachten, Herr Meyer! |
|
|
16.12.04 ...Transatlantisches Klima In'n Februoor kriggt wi also Besöök: Präsident Bush
will kamen un so de "transatlantischen Beziehungen" verbetern.
Is twievelhaft, wat em dat mit en Besöök lückt. Man
de Beziehungen verbetern kunn he ok ganz (wo)anners, nämli in
Buenos Aires. Wat is denn dor...? Weet meist nüms: de Klima-Gipfel.
(Natolesen op de gode Websiet vun www.climatenetwork.org!)
Jüst hebbt de USA aflehnt, ok na 2012 (na dat Utlopen vun't Kioto-Protokoll)
över den ringsten Pieps to verhanneln. De "Vörslääg",
de se to'n Klimaschuul maakt, sün reinweg lächerlich. Wöör
sik dat ännern, de transatlantischen Beziehnungen, ach wat, dat
transatlantische Klima wöör slagaardig beter. Avers nee,
Bush kümmt lever op Besöök. Logisch: Klimaschuul kost
Geld; op'n Besöök kriggt he allens ümsüss. Wat
denkt düsse Lü?! Ik meen, de denkt gor nich, de hebbt bloots
de lütten Dollarteken in de Pupill, so as Dagobert Duck. Gottseidank
kümmt nu de Klimawannel. Ja, ik bün froh över. Se nich?
Is doch en Teken, dat allens noch sin Ordnung hett; so'n Verhalten
dröff nich ahn Strafe blieven. Ik kunn't den leven Gott nich
maal verdenken, |
|
|
25.11.04 ...Zivilisaschoon — nachhaltig?
Kannst över denken, wat du wullt, man ik kann de Lü ut Neuenfelde bi Hamborg verstahn, de ehr Goorns un Appelbööm nich för de Airbus-Startbahn hergeven wüllt. Ja, de Airbus gifft nu stückerwat Lü ehr Arbeit. Un later? Later geiht dat de Startbahn un alle Fleegtüüch so as düt Hus. Wi buut Müll, wi buut Ruinen. — En Appelboom wöör stahn blieven. |
|
|
De goldige Ströbele vun de "Grönen" hett vörslaan, een mosleemschen Fierdag in Düütschland offischiell intoföhrn. Man sogoor de Grönen sünd al so tamm woorn, dat se foorts anföögt, "natürlich müss denn en anner Fierdag streken warrn." So tamm sünd wi vun Plattpartu nich!! Wi feddert hier offischiell, dat de nafolgen Fierdaag bundeswied inföhrt warrt:
Alle Fierdaag fallt reguläär op'n Maandag orr op'n Dunnersdag ("Brückendag"!). Keen anner Fierdag warrt dorför streken. Schon gor keen christliche orr mosleemsche! Ok de Kathoolschen drööft ehr Fierdaag behollen. Uns Fierdaag kaamt eenfach dorto! Wenn de Bund nich nagifft, sünd wi bereit, Fakten to schaffen. Wi maakt dat eenfach so as de Rheinlänner an'n Rosenmaandag: Uns Fierdaag sünd twoors noch offischielle Arbeitsdaag, avers nüms arbeidt. Allens fiert. Wokeen in Noorddüütschland op't Amt anröppt an'n Ollanner Appeldag un en Deenstleistung will, warrt eenfach utlacht!!! Blangenbi sünd wi natüürlich totaal inverstahn, wenn een (twee, dree...) mosleemsche Fierdaag utropen warrt. Wi bestaht avers op, dat dat, wat fiert warrt, ok stattfindt. D.h. wokeen dat mosleemsche Fastenbreken na'n Ramadan fiern will, mutt tovöör fasten! Den ganzen Ramadan vun fröh bet laat ahn Eten, Drinken un Slaap. Un ahn Sex! Liekso mutt de, de Karneval un Fastnacht fiern will, achterna de ganzen söben Passioonsweken lang fasten — keen Fleesch, keen Vergnögen... bet Oostern. Tja, leven Lü, wokeen A seggt, mutt ok B seggen! Överleggt ji juuch dat, wat ji religiööse Fierdaag wüllt! Nehmt lever uns niege, weltliche, noorddüütsche, wunnerschööne Fierdaag!!!! |
|
|
Norbert Walter hett sik wat infalln laten. He will, dat Smöök- un Teepausen vun de Arbeitstied aftrocken warrt. De Lü schallt bloots de Tied betahlt kriegen, in de se würklich produktiv sünd. För dat Ünnernehmen. Minutengenau. Dat is süss unrecht gegen de Nich-Smökers — un gegen dat Ünnernehmen, seggt Norbert Walter. Norbert Walter is "Chef-Volkswirt" vun de Düütsche Bank (en Ünnernehmen, dat sik en ganze Etaasch mit Büros för ehre Ex-Vörstandschefs höllt, de alle leevlang ehr Büro, Sekretäärsche un vulles Gehalt kriegen doot, ok wenn se lang afsett sünd un nix to doon hebbt). Norbert Walter hett Recht. Mit dat ganze Bummeln geiht veel Tied perdü. Un dor sünd de Toilettenpausen ja noch nich bi! Ik meen, bi en 8-stünnigen Arbeitsdag sünd 4 Toilettenpausen recht un billig, nich? Wokeen fakener mutt, kriggt dat aftrocken. (Ja, de povern Fruuns, de in Süüdoostasien för "Adler" & Co. de Billig-Textilien neihn doot, de dröfft bloots twee orr dree Maal an ehrn 11-Stünnen-Arbeitsdag na Tö; avers de lööst dat Probleem ja so, dat se den ganzen Dag nix drinken doot, un denn gaht bi se alle de Nieren kaputt. De Thailännerinnen köönt ja ruhig kaputte Nieren hebben, avers bi uns...! Dat wöör doch de Sundheitskosten wieder in de Hööcht drieven, un solang de nich totaal privatiseert sünd — solang dat noch en Ünnernehmerandeel gifft —, so lang köönt wi kaputte Nieren nich bruken. Also, 4 Tö-Pausen för Düütsche. Okay?) Villicht köönt wi ok de Tied aftrecken, de wi mit sinnlose Kommunikaschoon ünnernanner tobringt. Mit Fründlichkeiten ünner de Kolleegen. Woto schall de Baas dat betahlen, wenn wi "Guten Tag!" seggt orr "Bitte" un "Danke" orr "Wa geiht dat din Lütten? Is de Mumps kureert?" Dor kann sik doch de Baas nix för köpen! Dat Slimmste avers is dat Bummeln in Gedanken. Dat is reinweg subversiv, denn dat kann de Baas — betherto — nich würklich kunnerleern. Dor sitt een vun de achtertückschen Mitarbeiters ganz korrekt an sin Arbeitsplatz, un wat deit he? He dröömt! He denkt na — över Saken, de den Baas nix nütten doot! Amenn sogoor över Saken, de dat Ünnernehmen schaden köönt — över Arbeitnehmerrechten villicht un wat in de Welt nich wat verkehrt löppt? Ha! De Gedankens sünd twoors frie, avers betahlt warrt se nich! Wi mööt över wachen, dat de Lü ja nix denken doot, wat dat Ünnernehmen nix bringt. Un wokeen kann best Gedankens kunnerleern? Dor weer doch mal wat...? Stasi? Nee, de nich... de middelöllerliche Inquisischoon! En niege Inquisischoon bruukt wi, de de Wohrheit över de Gedankens vun de Arbeitnehmers rutbringt. (Finanzeert warrt dat natüürlich vun de Löhne un Gehälter. Logisch — dat is ja för de Arbeitnehmers.) Gedankens höört in de Frietied — un dorvun gifft dat in Tokumst sachs jümmer weniger. Wokeen denken will, mutt schon arbeitsloos ween. Un so warrt dat kamen, dat jichenswenn en niege Marquis Posa to sin Baas seggt "Sire, geben Sie Gedankenfreizeit!" Un de Kaiser antert: "Allens klaar, du bist entlassen!" De Kaiser heet denn nich Philipp II, sünnern villicht "Chef-Volkswirt" Norbert. Orr eenfach: "Kaiser Profit de Eerste un Eenzige". |
|
| Öllere
Notizen: Hier klicken
|
|
Na, dorto hebbt wi ja allens Nödige seggt — süh 
wenn
he mal wedder de Minschheit versupen laten wull as bi de Sintfloot.
— Man as dat vundaag geiht, versuupt toeerst de povern Lü
in Bangladesh, de rein nix hebbt as datnakelte Leven; un de mit de
Dollarteken in de Pupill, de dat allens verschüllt, de swemmt
wedder baven — un leugnet villicht denn ok noch, dat dat en Klimawannel
gifft.
Hier
warrt en Hus dalreten, dat süss noch ganz in Ordnung weer. Ut
een vun de groten Wahnungen heff ik in'n Sommer 