Tyrannosaurus Brex II.

Wat köönt wi noch de Briten raden,
wat blifft ehr düssen Lent to machen?
Theresa May an't Stück to braden?
En nieg Europa-Brügg to starten?
Bloots över't Parlament to lachen?
De schallt dor mal de Faxen laten!
Se schallt de Fuuln un Laxen faten
un endlich mal na Wegen sehn!
Dat wöör för't Land en Segen ween.
Dat wöör ik mal de Briten raden...
un: May (as Favoriten) braden!

Moinmoin, leve plattdüütsche Maten un Frünnen!

Ja, de Schüddelriemel baven hett wirklich för jeden Vers en Schüddelpartner! Ok wenn dat nich jümmers 100% rein is. Man de Briten sünd 100% mall, un dat is eentlich schöön, dat de irre Brexit-Show in de Verlängerung geiht, finnt Se nich? Dat dicke Enn kümmt ja sowiso, ok för uns; dor köönt wi nu dat Spitakel tominnst geneten, solang dat noch lustig is!

De Märzmaand weer wedder en ganz vullen Maand bi uns, un dat is swoor, op "Highlights" hentowiesen, wieldat ja allens vull Highlights is bi uns. Toeerst much ik de Reeg vun lütte Andachten to de Passioonstied nömen, de düt Johr wedder Gertrud Everding schrifft. Se nimmt uns mit op en Wannerweg na Jerusalem -- as een in Jesu Gefolgschap gaht wi dor, en Naamslose, en Nobody, un beleevt düssen Weg, as weer he ganz nieg. Wat woll achter de neegste Böög op uns töövt?

Ja, uns Maten bi De Welt un Gott weern superflietig -- fief Radioandachten för fief Sündaag, Andachten ut Grönau, Leder to de Week vun de Bröderlichkeit, Erinnern an gresige Johrsdaag, Käuh as Pier, Autos mit Holtgas, nette Swienshunnen un langwielige Arbeiten, dorto en Generaalbass vun Gottsöök in düsse vöröösterliche Tied. Avers ok uns anner Flacken glänzt öösterlich: De Regenbagen lücht op dat Kinnerflack, en Katt danzt Tango, de Luftakrobaten turnt op de eerste Aavtblööt, ok in'n Aarnmaand warrt Eier leggt, un endlich mal na lange Tied gifft dat en Weddersehn mit Anke Nissens Steen-Reeg: Mit den Calcit lücht de Sünnensteen vun't Leven.

Ok de Aktualität kümmt nich to kort; to'n Weltfruunsdag singt Ewald Eden en Hymne, wieldess ik dat in mien Notizbook wat nüchterner ankiek un de Schölerdemos en Vörslag maak. -- Ja, wi gaht op all Ebenen mit de Tied mit.

Un de Tied treckt nu gewaltig na Oostern hen, dorwegen wünsch ik Se en wunnerschöön Oosterfest! Wenn wi uns wedder leest, is Plattpartu al offitschell 17 Johr oolt woorn! Anfang April 2002 hebbt wi losleggt. Siet de Tied hebbt wi dusende gode un aktuelle Bidrääg ut all Richten vun Platt rutbröcht -- un dat Webdesign keen Spier ännert Un dat passeert ok nich mehr. Wat avers passeern kunn, dat sünd niege Maten. Uns öllere Maten treckt sik trüch, un wenn Platt wiederleven schall un ganz blangenbi ok Plattpartu, denn mööt Se, leve Lesersche un Lesers, nich bloots geern in uns Sied schmökern, sünnern ok sülven mal wat inschicken -- to Natuur, to Politik un Tiedgeschehn... Se weet da ja woll. Truut sik man. Se köönt dat ok.


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Froolüe. To'n Weltfruunsdag. Vun Ewald Eden mit Teknen vun Rudi Witzke    (8.3.)
Notizen ut'n Aarnmaand. Fotos un Verse vun Marlou Lessing    (3.3.)


De Welt un Gott:

Dat kannst mi glöven: Hilp di sülwes, denn hilpt di Gott. Vun Hubert Looschen, mit Spraakopnahm    (31.3.)
Passion: Sünndag Laetare. Vun Gertrud Everding    (31.3.)
Dat kannst mi glöven
: Immer wieder gaohn. Vun Hubert Looschen, mit Spraakopnahm    (24.3.)
Passion: Sünndag Oculi. Vun Gertrud Everding    (24.3.)
Bloots de Leev kann helpen. Andacht ut Grönau vun Henning Eggers    (21.3.)
Swienshunnen bi den Zoll. Vun Günter Weber    (21.3.)
Seemannsgarn: Peilen un anner langwielige Opgaven. Vun Günter Sohnemann    (21.3.)
Passion: Sünndag Reminiscere. Vun Gertrud Everding    (17.3.)
Dat kannst mi glöven: Dat Beste kanns nich seihn. Vun Hubert Looschen, mit Spraakopnahm    (17.3.)
Juden un Christen. To de Week vun de Bröderlichkeit vun Cord Denker    (17.3.)
Tunnelblick. Vun Heinz Tiekötter    (17.3.)
Dat kannst mi glöven: Ett sind auk diene Blagen! Vun Wilfried Theising, mit Spraakopnahm    (10.3.)
Passion: Sünndag Invocavit. Vun Gertrud Everding    (10.3.)
Autofohrn üm 1946. Vun Wolfhard Sauerbrey    (3.3.)
Dat kannst mi glöven: Nikolaus kummt. Vun Wilfried Theising, mit Spraakopnahm    (3.3.)

In't Lütte Gebeedbauk:

        Trööster vun de Tröösters. Vun Marlou Lessing    (24.3.)
        En Fraaggesang. Vun Marlou Lessing    (3.3.)

In't Erinnern-Notizbook:

        De 28. März. Vun Karl-H. Nissen    (28.3.)
        Käuh beslahn. Vun Günter Weber    (21.3.)


Natuur un Wetenschap:

Steens: Calcit -- de Sünnensteen vun't Leven. Vun Anke Nissen, mit Spraakopnahm     (30.3.)
Luftakrobaten 2019
: Pagelunenoog un Honnig-Imm op Plummenblööt. Vun Thomas Seemann un Marlou Lessing    (10.3.)

In't aktuelle Natuurnotizbook:

        Oosterklocken. Vun Thomas Seemann un Marlou Lessing    (30.3.)
        Wat is dat? Vun Thomas Seemann     (9.3.)


Wat in de Welt vörgeiht:

De Woterputz. Vun Heinz Tiekötter    (21.3.)
Skizze för en Schölerdemo-Resoluschoon. Vun Marlou Lessing     (3.3.)

... un söss niege Indrääg in Marlous plattdüütsch Notizbook.


För Kinner:

Modder Sünn ehr Kinner: De Regenbågen. Platt vun Klås Tüxen    (17.3.)


Platt to Hand:

Katten-Tango. En Oosterleed vun besünner Aart. Vun Cord Denker    (28.3.)


Niege Spraakopnahmen:

Hilp di sülwes, denn hilpt di Gott. Vun Hubert Looschen    (31.3.)
Calcit -- de Sünnensteen vun't Leven. Vun Anke Nissen     (30.3.)
Immer wieder gaohn. Vun Hubert Looschen    (24.3.)
Dat Beste kanns nich seihn. Vun Hubert Looschen    (17.3.)
Ett sind auk diene Blagen! Vun Wilfried Theising    (10.3.)
Nikolaus kummt. Vun Wilfried Theising    (3.3.)

 


Frohe Oostern wünscht

Marlou Lessing un dat lütt Plattpartu-Team