Dei Energetik Deilkenfaoter EPD (Energetic Particle Detector) mätt dei energetischken Deilkes, dei an dei Ruumsonde vörbidriewt. Et werd den Upbau un dei Variation in dei Tied ünnerseuken. Disse Daoten käönt dei Forschkers helpen bi dat Ünnerseuken van dat Herkaomen, dei Beschleunigungsmechanismen un dei Transportprozesse van disse Deilkes. Dei Plasmablaose (Heliosphäre) üm dei Sünne werd so deilwiese faotet.

Sünnenkieker mit EPD-Sensoren. Bild-Daten: ESA-Bilder (Teiknung noa ESA-Bild).
Klick up tau'n Vergröttern!

Dat EPD-System bestaiht ut fief Sensoren, dei Elektronen, Protonen un Ionen van Helium bit Iesen mätet un bi deilwiese äöwerlappen Energie-Bredden van 2 keV bit 200 MeV/n warket. Dorbi heit dei Einheit "MeV/n" Mega-Elektronenvolt per Nukleon. Wenn dei Ionen van wat högere Elemente stammt, räkent ein för dei Gesamtenergie = 200 MeV x Antall van dei Nukleonen. — Düsse Mäten is intressant, wiel dei Steerns in den Verloop van ehr Leven ja dei Atomkarne för dei högeren un jümmer högeren Elemente ut Waoterstoff tausaomebacket. Wieder as bit Iesen kaomet sei aower nich, wieldat dat bi dei Kernfusion kein Energie mehr friesett. Welk Atomkarne uns Sünne al taurechtkriggt, woans de ut dei Sünne rutkaomet un wo gau sei flügget, dat wulln wi woll wäten.

Energetischke Deilkendetektor (EPD) van den Sünnenkieker. Bild-Daoten: Uni-Kiel-Physik (naoteikent).
Klick up tau'n Vergröttern!

Dei EPD-Sensoren un eine tausaomefaoten EDV mit Leeg-Spannungsversorgung sünd:

Dei EPD-Sensoren deilt sick dei Instrument-Kontroll-Anlaoge (ICU), dei ut dat Daoten-Verarbeitungs-Modul un dei Leeg-Volt-Stromversorgung (CDPU/LVPS) bestaiht. Dat is dei einzigste Energie- un Daoten-Äöwergangsstäe van dat EPD mit dat Ruumschipp.

STEP bestaiht ut ein Deil mit twei Sicht-Kägels, dei mit 180 Graod uteinanner kiekt. SIS bestaiht ut twei Sensor-Köppe, dei up 160 Graod uteinanner staoht, un dei deilt sick tausaome eine Elektronikbox. EPT-HET hätt mehrere Sichtkägels un deilt sick tausaome eine Elektronikbox. Et giff twei identischke EPT-HET-Anlaogen.

Dei heele energetischke Bredde, dei mit dei twei EPD-Sensoren faotet werd, gaiht van 0,002 MeV bit nao 20 MeV för Elektronen. För dei Protonen gaiht dei van 0,003 MeV bit nao 100 MeV, för schwore Ionen (kummp up dei Oort an) van 0,008 MeV/n bit nao 200 MeV/n.

Dei Plasmablaose (Heliosphäre) üm dei Sünne werd so deilwiese faotet.

Heliosphäre. Bild-Daoten: Uni-Kiel-Physik (naoteikent). Klick up tau'n Vergröttern!

In dat Bild baoven werd nao Mollweide dat Flach (Fläche) van dei Heliohülle in Originaolgrötte anwiest. Neern is dei Farwcode as Funktion van dei Wohrschienlichkeit för dat interplanetore Magnetfeld (rot/geel höger as greun/blaw) mit dei Daoten van dei Helios-Ruumsonde.

Dei SpaceWire-Standard wörd in'n Januar 2003 veröffentlicht un dei werd siet dei Tied von dei ESA, NASA, JAXA un van Roskosmos in väle Missionen insettet. Weltwiet bruukt man dit System in dei Wätenschkup, bi planetorischke Observationen un bi annere Ruumfohrt-Aktionen.

Linktipps:
Wikipedia — Helios-Sonde
Wikipedia — SpaceWire