Utduur staiht up den Mars

van Ludgerd Lüske


Dei Biller käönt Se per Klick vergröttern!

Mars 2020 is eine Mars-Mission van dat NASA-Mars-Forschkungs-Programm mit dat Utduur-Fohrtüg und dei Helikopterdrohne Klaukheit. In'n Juli 2020 üm 11:50 Uhr (UTC) güng disse Reise los. An'n 18. Februar sünd dei beiden Apparaote in den Jezero-Kraoter up den Mars landet. Dat spannen Video van dei Landung is hier tau seihn.


Dat eierst Marsfoto van Utduur an'n 18.02.2021
Bild-Daoten: NASA (afännert)

Utduur schall eine astrobiologischk wichtige antike Landschkup up den Mars ünnerseuken. Wichtig dorbi sünd dei Boddengeologischken Prozesse un dei Geschichte. Off man dor waohnen kunnde un off dor süß noch Läben wän kunnde, will man wäten.

Ein Probenkassen werd bi dei Fohrt van Utduur Proben faoten un tauleßte affstellt. Eine taukaomen Mars-Mission schall dit Wark nao dei Ern mit trügge nähmen.
Väle Deile van Utduur sünd all mit Neiwind utprobeiert worn. Nei sünd dei Wätenschkup-Instrumente un ein Karnbohrer.

Et sünd noch twei annere Mars-Sonden ünnerwägens, dei uck bold landen schäöllt.


Utduur mit Klaukheit (neern). Bild-Daoten: NASA


Klaukheit up den Marsbodden. Bild-Daoten: NASA. Mehr-NASA-Infos hier


Dei Fohrt van Utduur in den Jezerzo-Kraoter (gaiht baoben los).
Jezero-Kraoter: Jezero (Marskraoter) — Wikipedia
Bild-Daoten: NASA (ännert)

NASA-Infos (PDF)
NASA-Infos-online
Mission-Äöwersicht


Dei Mars-Lüe laotet nix ümkaomen, sei recycelt usen Kraom!


Mars-Bild: ESA
19.2.2021


na baven