Neiwind* up den Mars
*Neiwind = Curiosity

van Ludgerd Lüske


Dei ganze Neiwind-Mission op Platt: hier

Rund üm den Landeplatz

Wo sik dei Marsreisekombination up den Mars nao dei Landung verdeilt hett wiest us eine Upnaohme van dei Mars-Forschkungs-Sonde. Disse Sonde flüg all eine heele Tied üm den Mars ümmtau un maoket uk hochuplöste Fotos van den Marsbodden. Up dei Stäe 4 steiht Neiwind. Dei Landekraon is an dei Stäe 1 afstört, dorbi hett hei lange Spauers trocken (Stäe 1a in dat Extrabild). Dat Hitteschild ligg up dei Stäe 5. Dei Kapsel-Achterwand un den Fallscherm süht man bi dei Stäen 2 un 3.


Klick up tau'n Vergröttern!


Vergröttern vun dei Stäe 1

Reise up den Marsbodden


Klick up tau'n Vergröttern!

Bi den Kraoter Bradbury is Neiwind landet. Naodem sik dei Apparaot in Bedreiv setten dö, is hei sinnig losfeuhert. In'n Dörschnitt schall hei 70 m in eine Stünn feuhern. Anstürn deit hei Glenelg. Dat is ein Barg (5 km hoch), wor drei geologischke Formationen tausaomestötet. So giff et dor drei äövereinanner liggen Felslaogen. Dei Bohrer an Bord van Neiwind schall hier tau'n eiersten Maol insettet wern. För den Weg dorhen schall Neiwind fief bit seß Wäken bruken. Up dat Bild werd dei Foahrt bit tau'n 56. Dag wiest. Den greun inteikten Weg mutt Neiwind noch feuhern. Tüschkendör knipset dat Fohrtüg den Marsbodden. Up ein Foto süht man Marskieselsteine, dei jüst so utseiht as dei Kieselsteine up dei Eern, dei in eine Bäke ligget. So kann man glöben, dat up den Mars all maol Waoter flöt. Wat Neiwind süß noch aals finnt, dat mäötet wi afteuven.


Klick up tau'n Vergröttern!


Klick up tau'n Vergröttern!



Klick up tau'n Vergröttern!


Biller: NASA
14.10.2012


na baven