NASA diskuteiert — Webb kummp bi L2 an


Dat Weltruumteleskop "James Webb" kummp in disse Daog bi sienen Bestimmungsort an, den so näömten "Lagrange-Punkt" L2. Dat is ein stabile Steed licht butensieds dei Eer-Ümloopbaohn üm dei Sünn.


Hier liggt dei Lagrangepunkt L2. Bild: Wikipedia

Forschkers un Ingenieure, dei dat James-Webb-Weltruumteleskop van dei NASA bedriewt, werd äöwer dei neiesten Aktionen van disse NASA-Mission in eine NASA-Wätenschkup-Live-Sendung üm 15 Uhr (MEST) an'n Maondag, den 24. Januar berichten. Dornao giff et üm 16 Uhr eine Medien-Telefonkonferenz. Dei Sendung werd live online up dei NASA Science Live-Websiete un uck up YouTube, Facebook un Twitter uttraohlt. Dat Audio van dei Telefonkonferenz werd live up dei Websiete van dei Agentur streamt.

Bodden-Mannschupen willt üm 14 Uhr dei Webb-Driewwarke anstellen. An'n Maondag, den 24.Januar, werd so dat Weltruumteleskop an den tweiden Lagrange-Punkt (L2 neumt), dei plaonte Stäe, in den Sünnenümloop bröcht. Dissen Korrekturstraohl in dei Midde van den Kurs hätt man för den 29. Dag nao den Start lange vörplaont. In disse Wäke settde dei Missionsinsatzmannschkup dat Daotum un dei Tied för den Driewwarkbrannt faste. Dei Ingenieure bröchden uck dat Uteinannerklappen van dei Webb-Speegelsegmente ut ehre Start-Laoge up'n End. Nu kann dat maondelange Utrichten van dei Teleskop-Optik losgaohn.


Disse künmstlerische Ansicht wiest dat vullstännig aopenklappte
James Webb-Teleskop in'n Weltruum.
Bildmateriaol: Adriana Manrique Gutierrez, NASA-Animatorin

Dei Taukiekers van disse Aktion "Wat passeiert nu mit dat James Webb Weltruumteleskop?" käönt Fraogen äöwer dei soziaolen Medien ingäben mit den Hashtag #UnfoldtheUniverse off mit einen Bidrag in dat Chatfeld van den Facebook- off den YouTube-Stream setten. Tau dei Fraogen van dei Öffentlichkeit gäwt Antwort:

  • Amber Straughn, stellverträen Projektforschkerschke för dei Webb-Kommunikation van dat NASA Goddard Space Flight Center in Greenbelt, Maryland
  • Scarlin Hernandez, Flugsystemingenieur, Space Telescope Science Institute in Baltimore

Nao disse Aktion wed dei NASA eine Medien-Telefonkonferenz affhollen, dei sick befaotet mit Brennduur, dat Speegelutrichten un dat L2-Anstüern un dat taukaomen Instellen van Webb up dei Wätenschupfunktionen.

För dat Mitmaoken bi dei Telefonkonferenz mäötet sick Medien gaut twei Stünnen vörher bi Laura Betz anmellen (laura.e.betz@nasa.gov). An dei Medienakkreditierungsrichtlinie van dei NASA för virtuelle Aktivitäten kann man online rankaomen.

Dat Observatorium maokt sick nu praot för den Wätenschkupbedriew. Dat is ein van Menschken stüertet Wark, et werd Inbedriewnaohme neumt. Wenn et wän mutt, kann dei Mannschkup dat Wark anhollen un anpassen. Dei NASA giff staodig neie Naorichten tau den aktuellen Stand van dei Inbedriewnaohme up den Webb Teleskop Blog bekannt. Dei Öffentlichkeit kann dat Webb-Wiederkaomen uck online äöwer eine interaktiven "Wo is Webb?"-Spauer naokieken.

Webb schall aale Tieden van dei Kosmos-Geschichte faoten — van dat Sünnensystem bit nao dei an wietsten wegliggen sichtboren Galaxien in dat freuhe Universum un aals dortüschken. Webb werd neie un unvermaute Resultaote finnen un dei Menschken helpen bi dat Verstaohn van dei Weltanfänge un use Stäe dorbinnen.


Noch mehr Webb-Material:

  • Digitaole Medienmappe
  • Bild- un Videogalerien
  • Anfraogeformulor för Medieninterviews
  • Mehr Informationen tau dei Webb-Mission finnt Sei hier.

Verkloren:


Alise Fisher / Natasha Pinol, Hööfdsitt, Washington 202-358-2546 / 202-358-0930, alise.m.fisher@nasa.gov / natasha.r.pinol@nasa.gov
Laura Betz, Goddard Space Flight Center, Greenbelt, Md. 301-286-9030, laura.e.betz@nasa.gov


22.1.2022


na baven