De Eemkenbülten: in'n Sünnschien sühst de Löcker


De Eemkenhügel —
Deel 3:

Wokeen maakt denn nu de Löcker?

vun Antje Heßler

na Deel 2
Se köönt de Fotos per Klick vergröttern. Trüch kaamt Se denn mit den Zurück-Knoop op de Browser-Symboolliest.


Transport vun Dannennadeln: Ho-ruck!

Endlich harrn wi wedder mal enen Dag warmen Sünnenschien. Dat wöör avers ok höchste Tied. De Eemken luurn al lang up de Sünn. Se müssen doch noch mehr Warms in den Bu bringen. Up de Eemken tööv noch veel Arbeit. De Löcker vun den Eemkenhügel weern noch lang nich all dicht. Ümmer noch leep de Regen in ehr'n Hügel. Denn keem noch wedder Küll dorto. Ehr Liever weern stief. Se brukten Warms un Sünnenschien.

Se kunnen blots langsam an den Bu wieder arbeiden. De Eersten versöchen sik al wedder an Dannennadeln, mit de se dat Nest repareern wulln. Denn de Hügel harr al wedder depe Löcker! De Eemken packen so en Nadel to tweet an, een vörn, een achtern. De vörn müss denn trüchwarts lopen. So wurachen se de Nadel den Hügel rop.


Sooo'n groot Lock!


Transport vun Dannennadeln: Ho-ruck!

Un wokeen harr nu de Schuld an düsse Löcker? Weern dat etwa Kinner, de in'n Woold speelt harrn? Nee! Den Verdacht harr ik ok — man denn heff ik de Öveldeders sülven sehn: Spechte!!

Leider weer ik nich fix noog, se to knipsen. De frechen Gröön- un Swartspechte weern dat. Se harrn wedder ganze Arbeit leist. Mit ehr lange kleevrige Tung langen se deep in den Eemkenhügel un möken grote Löcker in den Hügel. De Käverlarven weern en to gode Mahltied. Ok anner Deerten harrn mitkregen, dat dor en gode Mahltied to halen weer. Sogoor Wildschwien dörchwöhlten mitünner de Eemkenhügel. Dor bleev denn grote Schaden na.

Leeg de Eemkenhügel dicht an en Footweg, weern dat ok oftins Minschen, de mit en Regenschirm oder enen Stock in den Eemkenhügel rümstochern. Ok so kaamt Löcker in den Eemkenhügel. Aver de flietigen Eemken schaffen dat ümmer wedder na de Winterküll den Hügel wedder hertorichten. Dorna weer en Sünnenbad up de Kupp vun den Eemkenhügel fällig.


Eerst dat Sünnenbad...

Nu weern ok de letzten Langschläfer waak. De warme Sünnenschien harr se in Swung bröcht. Dat weer en Gewimmel up den Hügel. Aver all wüssen wat se to doon harrn. Wat de Sünn doch allens tostann bringt!


...denn de Arbeit!


20.3.2016


na baven