vun Antje Heßler De Biller köönt Se per
Klick vergröttern! Torüch kaamt
Se denn mit'n Zurück-Knoop vun den Browser.
In mien Goorn wasst dree verscheden Oorten vun Nieswurz: De stinkende Nieswurz, de witte Sneeroos un de rode Sneeroos. Rifft man de drögen Wötteln mütt man niesen. Doher hebbt de Bloom den Naam Nieswurz kregen. Se warrt ok Christrosen oder Lenzrosen nöömt un höört alltohoop to de Hahnenfußgewächse. Dat Besünnere an düsse Bloom is, dat se in de Wintertiet blöht. Sülvst bi Ies un Snee drifft se ehr Blödenknuppen dörch den Snee. Se blöht vun den Christmaand bit in den Märzenmaand. Wieldat in de Wintertiet kuum Insekten fleegt un to'n Bestöven kaamt, driggt se lang bit in't Fröhjohr ehr Blöden. De Narven blievt länger befruchtbor. Wenn't nödig warrt, bestöövt se sik ok mit egne Pollen. Ut de Fruchtbläder wasst bit to acht Balgenfrüchte. In de riept de Samen. De warrt in Sommer vun Ameisen un Snicken wieder verdeelt. Uns Goorners tücht besünners geern de witte Sneeroos. Se
behannelt se so, dat se in de Wiehnachtstiet ehr Blöden upmaakt.
Denn warrt se as Christrosen verköfft. Blomensüstern Striethamels?
Glieks keek de witte na ehr rode Süster. "Ha, ik bün
man de eerst, ik bün al dor!" "Tööv
Na'n poor Daag harrn de beiden Bloom al ehr Blöden upmaakt. Se weern al so groot, dat en lütt Deern de roden un witten Blöden wies wöör. Se wull glieks welk plücken. Dat harr ehr Modder ut dat Kökenfinster mitkregen. Mit Sorg in de Stimm reep se: "Nich mit de nakelten Hannen anfaten, de Bloom sünd bannig giftig!" "Ok de witten Bloom?" fraag de lütt Deern, "dat sünd doch Christrosen!"
"Dat heet, dat en Mönk meern in'n Winter, as he ünnerwegens
weer, de witte Bloom funnen hett. Se weer merrn mank ieskolen Snee
an't Blöhen. Un dat weer in de Wiehnachtstied. De witten Blöden
hebbtem so goo Dütt allens harrn de Bloom, de beiden Striethamels in den Goorn höört. Dor meen de rode Sneeroos to de witte Sneeroos: "Wi wüllt ni wedder miteenanner strieden. Freut wi uns, dat wi hier in den Goorn so gut wassen köönt!" De gröön Nieswurz nik mit den Kopp dorto un reep vun ünnen ut den Goorn: "In't Öller seht wi doch alltohoop teemlich liek ut. Uns smucken Blöden sünd denn so'n beten griesgröön!" All Biller: © Antje Heßler
20.12.2009 |