van Ludgerd Lüske
Dei Mannschkup van dei Artemis-I-Mission hätt sick vanmorgen an'n 27.8.22 draopen. Man wull den Stand wäten un hätt nao "gaoh" fraogt un kunn mit dat Start-Daoltellen wieder maoken. Dat Daoltellen güng an'n 27. August 2022 üm 16:23 Uhr (10:23 Uhr EDT) los, naodem dei Start-Mannschkup an dei Stationen in dat "Rocco A. Petrone"-Start-Kontrollzentrum in den Kennedy Weltruum-Baohnhoff van dei NASA in Florida ankaomen was. Den heelen Dag werd dei Mannschkupen dat Orion-Ruumschip un dei Hauptstufe van dat Ruum-Start-Sytem (SLS) un dei veier RS-25-Driewwarke praot maoken.
Dei Meteorologen an dat Ruum-Start-Delta 45 säggt mit 70% ein günstiget Start-Weer an'n 29. August 2022 vörut. Dei Weer-Vörschriften för den Artemis-I-Fleigtest van dei NASA wiest dei passen Bedingungen för den Start van SLS un dat Orion-Ruumfohrtüg an. Dat Tweistünnen-Startfenster gaiht aopen an'n Maandag, 29. August, üm 14:33 Uhr. Dei Klock tickt! Wi käönt Maandag live dorbiween! Dat NASA-Fernseihn berichtet live in dei NASA-Apps un up dei Website: NASA Live un ok in't apentlich-rechtliche Kiekschapp: Maondag, aff 12:00 Uhr äöwerdrägg dei Sender Phönix den Start van dei Maondrakete. Originaolartikel: NASA
SO-Platt: Ludgerd Lüske |
27.8.2022 |