Vun Lent na Sommer

Biller vun Elke T. Weißleder, Wöör vun Marlou Lessing


Se köönt de Biller per Klick vergröttern.
Trüch kaamt Se denn mit'n Zurück-Knoop vun'n Browser.

Mai


Danzen Hügel. Öl

dat land, dat gröön danzt pas de deux
in sülvstvergeten gegenwart;
du kennst de ole melodie,
den rhythmus sleit din hart.

 

 

 

Juni

bedächtig, dächtig sitt de hund,
de hund vun porzellaan,
sitt sinnen op den spegelgrund.
keem allens ut de bahn?!

woll weer de vaas, de vaas weer da,
siet johren, gröön un rund;
de blaage vaas ok, se seet ja
al lang tosiet den hund;

un alltied hebbt's ehr wöörd bewohrt
in stoffig-sachte roh
na porzellaan- un vasenaart.
man nu keem een dorto,

en irden proletarisch pott
ahn patina un stil,
un ut den pott, da kümmt — o gott! —
bloots chaos, gröön gewöhl!

best dreihst de saak den rügg to, un
wenn se ok baven sweevt,
nimmst keen notiz. denn (denkt de hund)
tööv af, wa lang dat leevt!

so ignoreert he konsequent
den blöhen baldachin —
in sommer wannelt sik de lent,
en duftende lawien...


Mehr vun de Künstlersch hier:
Elke Tegtmeyer, "Begegnung in Raum und Zeit"
Book on Demand,
ISBN 978-3-8391-0799-7, 16.90 €

Alle Kalennerbläder hier
2.5.2010

trüch


na baven


na't Flack

na de Startsiet