Winter

Biller vun Elke T. Weißleder, Wöör vun Marlou Lessing


Se köönt de Biller per Klick vergröttern.
Trüch kaamt Se denn mit'n Zurück-Knoop vun'n Browser.

 

 

Januar

licht böögt,
ahn zittern
luustern
in't gries
vun dag, vun nacht:

nix röögt
in'n duustern —
ruuch vun snee;
kannst wittern
den maand,
den sünnenstand —

büst plant
un leevst.
man lies!
nüms ahnt
ünnern snee
den maand,
den sünnenstand.

 

 

 

Februar

vun binnen as
en binnenwelt
in rasterordnung
sehn;
in vasen faat,
tosamenstellt —
de blomen nich
mal gröön —

in schötteln liggt
de musseln praat
ehr kachelbild
so liek —
dormangen stickt —
so dücht mi graad —
en hand, en minschlich stück —

as binnenwelt na binnen kehrt
dat kachelbild natuur
un wiest ok,
wat natuur verwehrt:
den krink sin quadratuur


Mehr vun de Künstlersch hier:
Elke Tegtmeyer, "Begegnung in Raum und Zeit"
Book on Demand,
ISBN 978-3-8391-0799-7, 16.90 €

Alle Kalennerbläder hier
3.1.2010

trüch


na baven


na't Flack

na de Startsiet