B
Ingelsch "Achterdöör". En Typ vun Trojaner, de en Achterdöör för en Angrieper op SeEhrn Computer apen maken deit.
De ingelsche Naam vun dat Teken \ . Dat is de annersrüm dreihte Slash. He sitt op de Tastatuur blangen dat ß. Se maakt em so: AltGr-Tast + ß. (De AltGr-Tast sitt rechterhand blangen de Leerteken-Tast.) De Backslash warrt in Padd-Angaven bruukt.
De ingelsche Naam vun de Rücklöschtast, de op den Haupt-Tastenblock vun de Tastatuur heel rechterhand nerrn sitt. Düsse Tast löscht bi't Textingeven dat Teken jüst linkerhand vun de Schrievmarke (Textcursor).
De ingelsche Naam för "Sekerheitskopie". "Ik maak jede Week en Backup vun min wichtigste Daten" heet, "ik kopeer jede Week min wichtigste Daten op en annern Datendreger." Süh ok bi Sicherung.
Dat gifft ok en Programm dat "Backup" heet un dat den Benütter helpen schall, sin Sekerheitskopien jümmer op den niegsten Stand to hollen. Dat warrt standardmäßig mit Windows mitlevert, avers man raar bruukt.En Begriff ut de Elektrotechnik: de (Frequenz-)Ruum, de för dat Överdragen vun en Signaal praat steiht. Dat gellt ok in de Datenöverdragung (DFÜ) un in de Nettwark-Technik. Je mehr Bandbreed, je mehr Signale per Sekunn köönt dör. Bildhaftig kannst di dat so vörstelln: Je breder de Straat, je mehr Autos per Sekunn köönt dor dörfohrn. So is dat ok mit Signale. Bi ünnerscheedliche Överdragungstechniken (Analog-Modem, ISDN, DSL usw.) steiht en ünnerscheedliche Bandbreed praat. Also geiht t.B. dat Surfen gauer orr traager.
Süh na bi Streamer.
Reklaam-Flach op en Websiet mehrst bunt flackern Berieke op Websieden, de Se anstiften wüllt, op to klicken. Wenn Se op den Banner klickt, kaamt Se na de Websiet vun den warven Anbeder. De Besitter vun de Websiet, op de de Banner sitt, kriggt dorför beten Geld vun dat warven Ünnernehmen. Veele Websieden-Besitter verdeent sik dormit en poor Penn blangbi.
En Menü in veele Anwenderprogrammen, dat heel wichtig is. Dor stekt in binah alle Programme de wichtigen Befehlen Rückgängig, Kopieren und Einfügen in.
De Aart un Wies, woans SeEhr Computer sik Se präsenteert: De Desktop, de Fenster, af de överhaupt en Muus kennt oder af Se de Befehlen intippen mööt, allens dat, wat SeEhrn Arbeitsalldag mit'n Computer utmaakt.
En Bedreevssystem, dat besünners good för Multimedia-Tüüchs döögt. Warrt avers heel selten insett. De Firma, de dat maakt hett, is meddewiel in Geldnot kamen un hett dat Programm verkloppt; nu heet de Nafolger Zeta. (Sommer 2005)
En Programm, dat al lopen kann, avers noch nich de endgüllige Verschoon is un villicht noch Fehlers hett. Op de Beta-Verschoon warrt testet, un wenn de Fehlers rut sünd, warrt dat Programm to'n Verkoop friegeven.
Dat fundamentale Programm in SeEhrn Computer. Bi jeden Start vun'n Computer ward automatisch dat Bedreevssystem mit startet. Dat sorgt denn darför, dat de Hardware vun'n Computer ornlich tosamenwarkt, un dat sorgt ok för de "Benutzeroberfäche". Dat an'n mehrsten bekannte Bedreevssystem is Windows.
Bildlaufleiste
Anner Naam för Rullbalken.
Warrt ok Monitor nöömt. En Utgaav-Gereedschap. Dat gifft Röhrenbildschirmen un Flachbildschirmen. Wa groot en Billschirm is, meet een na de Billschirmdiagonale: 15", dat heet 15 Zoll, 17" un 19" sünd vundaag begäng. 15"-Monitoorn starvt ut, de warrt nich mehr verköfft. 19" is de Standard bi niege Röhrenmonitore, 17" bi niege Flachbillschirme (1. Quartal 2004).
Elk Billschirm is in Pixel, in Bildpünkt, opdeelt. De Billschirmoplöösung gifft an, wa veel Pixel in'e Breed un in'e Hööcht en Billschirm wiest. Je mehr Pixel dat sünd, je fiener is dat Bild oplööst, un je mehr passt dor rop op den Billschirm. De enkelten Objekten seht denn avers ok lütter ut. (Woso? Süh bi Oplösung!) Welk Oplösen SeEhr Billschirm wiesen schall, dat köönt Se sülm instelln. T.B. in Windows:
- Rechtsklickt Se den lerrigen Desktop-Hinnergrunn.
- Wählt Se ut dat Kontextmenü Eigenschaften.
- Gaht Se op de Registerkoort Einstellungen.
- Treckt Se an den Schuuvregler (süh Bild rechterhand). Denn OK.
Wenn de Billschirm dorna düüster blifft, köönt de Grafikkoort un de Billschirm tosamen dat nich leisten. Denn töövt Se eenfach en Tied, ahn jichenswat to doon, un dat geiht vun sülvst trüch.
De Billschirmoplösen, de vundaag begäng sünd, sünd: 800 x 600 (dat heet: 800 Bildpünkt breed, 600 Bildpünkt hooch) för lütte Billschirmen mit 15 Zoll Billschirmdiagonale. 1024 x 768 is de Standard för 17"-Monitoorn. Op 19"-Monitoorn köönt Se al 1280 x 1024 Bildpünkt good wiesen laten. Wat dat mööglich is, hangt avers vun de Grafikkoort un vun de Farvdeepde af, de Se instellt hebbt!
De Billschirmhinnergrunn kann en Farv, en Muster orrer ok en Foto ween. Dat köönt Se sülvst bestimmen. Woans Se en Foto in'n Hinnergrunn kreegt, dat geiht so:
- Klickt Se mit'e rechte Muustast op'n lerrigen Billschirmhinnergrunn.
- Wählt Se ut dat Kontextmenü den Befehl Eigenschaften.
- Nu kaamt Se in den Dialoog "Eigenschaften von Anzeige". In düssen Dialoog warrn de Billschirminstellungen maakt.
- Wählt Se de Registerkoort Hintergrund.
- Klickt Se op dat Schaltflack Durchsuchen. Denn stövert Se dör SeEhr Ordner, bet Se dat Bild finnt.
- Dorna klickt Se sik mit OK dör all de Dialoogen dör, bet dat trecht is.
Klickt Se in düssen Dialoog op Durchsuchen. Denn köönt Se en Bild utsöken, dat in'n Hinnergrunn wiest warrn schall.En Spieker op de Grafikkoort, in den dat aktuelle Billschirmbild twüschenspiekert warrt, dat de Bildafloop moier un mehr fleten utsüht.
Afkörten för Basic Input-Output System, dat grunnleggen Ingaav- un Utgaav-System. Afsluuts fundamentale Systeminstellungen an'n PC, de so grunnleggen sünd, dat se in en lütten Chip op dat Mainboard sitt nich, as dat Bedreevssystem, op de Fastplatt. Dat BIOS warrt bi't Starten vun'n PC noch vör dat Bedreevssystem aktiv noch ehrdat de Fastplatt in Gang kümmt. Dorüm mutt dat ok direkt op't Mainboard sitten. Dor warrt dat vun en lütte Batterie spiest; dat mutt nämli jümmers Stroom hebben. Dat BIOS sorgt dorför, dat dat Mainboard mit de ganze restliche Hardware ornlich tosaamarbeiten kann.
Se köönt in de BIOS-Instellungen rinkieken, wenn Se bi't Starten vun'n PC glieks an'n Anfang de Entf-Taste drückt. Dat schullt Se avers bloots daan, wenn Se sik dormit beten utkennt!!! Wenn Se dor nämli wat verkehrt verstellt, kann de Arger groot ween. Normalerwies funscheneert dat allens, un wenn dat funscheneert, brukt Se gor nich in't BIOS gahn.
En Passwoort för den ganzen PC, dat Se in't BIOS fastleggen köönt. Ahn dat Passwoort fohrt de PC denn gor nich hooch. - Man, wenn Se dat Passwoort vergeet, denn is Malöör. Denn mutt dat BIOS kort stilleggt warrn.
En niege Verschoon vun't BIOS op den Spiekerchip op't Mainboard laden. Süh ok bi Update. Dat brukt een t.B., wenn een mit en oles Mainboard niege Hardware bedrieven will. Is avers en kitzlige Prozeduur. De niege BIOS-Verschoon to dat Mainboard kann een faken in't Internet finnen, un babento brukt een en Flash-Utility, dat een op den Chip schrieven kann.
De lüttste Einheit vun Informaschoon, de een sik denken kann: en "Jo oder Nee", en "doot oder lebennig", en "an oder ut". Mathematisch drückt een dat dör "0 oder 1" ut. Dat warrt bi Computers dör "Stroom keen Stroom" oder "magneetsch nich magneetsch" dorstellt.
Dör Bits warrt in Computers alle Informaschoonen codeert. Allens, wat de Computer kennt, all sin Software, is "0 oder 1" man dorvun glieks ganze Bargen, dat is ja kloor. Woans de Computer dormit reken kann, leest Se bi dat Dualsysteem.
En Dateiformat för Bilddatein. Dat Bild warrt rastert un dat Raster ahn Informaschoonsverlust afspiekert; to elk Rasterpunkt gifft't Helligkeits- un Farbinformaschoon. Düt Format gifft dat Bild mehrst in gode Qualität wedder, brukt avers dorto veel Spiekerplatz, dorüm warrt dat in't Web nich anwendt.
Afkörten för Weblog, d.h. Web-Log, also en Aart Logbook in't WWW. Mennig Lü, de to mennig Themen wat to seggen hebbt orr meent, dat se wat to seggen hebbt, föhrt so en Aart Internet-Daagbook, dat för alle to lesen is, also en Blog. Dat to föhren nöömt een denn Blogging. Dat gifft totaal interessante Blogs, t.B. to politische Themen, un ok veel Tüdelkraam-Blogs, de nüms bruukt.
En Technik to'n drahtlosen un kabellosen Vernetten vun PCs un annere Elektronik in lütte Nettwarken. Warrt in Tokunft mehr begäng warrn. Keen Kabelsalat mehr naja; avers dorför Salat vun elektromagneetsche Welln bi 2,4 Gigahertz.
En Nafolgeprodukt vun de DVD, dat noch veel mehr Daten spiekern kann, nämli bet 50 GB. Schall 2006 op'n Markt kamen. Blu-ray-DVDs köönt avers mit normale DVD-Loopwarken nich leest warrn.
Ingelsch för "Leesteken". En Websiet, allgemeen en Steed in't Internet orr sogoor op SeEhrn egen PC, 'neem Se faken henwüllt un an de Se dorwegen en elektroonsch "Leesteken" sett. Süh ok bi Favoriten.
En Variable, de bloots Ja oder Nee, Wohr oder Falsch ween kann. In de Lehr vun elektroonsche Schaltungen un in de Programmiererie warrt sowat brukt. Wieldat de Bool'sche Variable bloots twee Werte hebben kann, kann se ok dör een Bit weddergeven warrn (0 oder 1).
En Computer "hoochfahrn". Se drückt en Knoop, op den mehrst "Power" oder sowat steiht, un de Maschien kriggt Stroom. Dorbi warrt dat BIOS ansmeten un denn dat Bedreevssystem laden. Dorna is de PC redig för SeEhr Kommandos.
In'n Notfall, wenn de Fastplatt mal malöört, köönt Se den PC ok vun en lütt Diskette starten, op de dat Allernödigste vun't Bedreevssystem spiekert is. Dat Bedreevssystem warrt denn vun de Diskett laden. De Diskett mutt in't Loopwark steken, ehrdat de PC angeiht, bloots denn kann de dorvun starten. Man wieldat op de Diskett nich so veel Platz is, kriggt Se nich so'n kumfortable Fenster-Benütteröverflach, man bloots en spartaansche Kommandoreegn-Överflach mit swatten Ünnergrunn. Dor mööt Se sik mit utkenn, dat Se dor wat maken köönt.
De Startdiskett mööt Se tovöör trechtmaakt hebben. Dat geiht bloots, wenn de Fastplatt noch funscheneert; dorüm schallt Se jümmers een trecht hebben. Kiekt Se in de Hülp to SeEhr Bedreevssystem na, woans dat maakt warrt.
En lierlütt Programm, dat bi't Booten automaatsch opropen warrt; denn köönt Se dormit jümmers seggen, mit welk Bedreevssystem Se dütmaal booten wüllt. Dat brukt Se natüürlich bloots, wenn Se mehr as een Bedreevssystem togliek op SeEhrn PC installeert hebbt.
En besünnern, heel wichtigen Datenberiek op en Diskett orrer Fastplatt, 'neem bi't Formateern de Urlader vun't Bedreevssystem henschreven warrt. De is essentiell nödig to'n Booten. De Bootsektor warrt bi't Booten toeerst bruukt. In den Bootsektor köönt Se keen Daten ünnerbringen, de Beriek is tabu. Man dat gifft bestimmte Viren, de versöökt, dor rintoprokeln, wieldat se denn bi't Booten jümmers schöön laadt warrt. En Virenscanner finnt de licht.
So'n öllerhaftige Aart Virus, de sik dat in den Bootsektor komodig maakt un mehrst orrig Schaden op'n PC anricht.
So nöömt een dat, wenn een mit en CD-RW-Loopwark orr mit en DVD-Brenner Daten op CD orr DVD schrifft. "Brennen" bedüüd: en fiene Laserstrahl schrifft de Daten in en Schicht op de CD. CDs, de een köpen kann, t.B. Musik-CDs, sünd nich "brennt", de sünd presst woorn. Dat gifft noch betere Ergeevnisse.
Sprick "Brauser". Programm to't Bekieken vun Websieden in't Internet. Wenn Se düsse Sieden lest, benütt Se nu graad en Browser. "to browse" heet "weiden, grasen" op Ingelsch. Un jüst dat maakt Se mit en Browser: Se graast dat WWW af.
De an'n mehrsten begängsche Browser is vundaag de Internet Explorer vun Microsoft. Annere bekannte Browser sünd de Netscape Navigator un Opera.
Spitznaam vun de Aktivboxen.
So heet dat Ding, 'neem de Steker rinsteken warrt. De bekannteste Buchse is wiss de gewöhnliche "Steckdose" för Netzstroom. An'n Computer gifft dat natüürlicherwies mehr un ünnerscheedliche Buchsen, jüst so as dat ünnerscheedliche Stekers gifft.
Utspraken "Bag". Heet op Ingelsch "Wanze". Bugs nöömt een Fehlers in en Programm.
En Tosattprogramm, dat dorto dor is, en Bug, de in en komplexen fertigen Programm opduukt is, wedder goodtomaken, uttobögeln. Süh ok Patch.
En Koppel Leitungen, de twüschen de enkelten Funkschoonsgruppen binnen in'n Computer un op dat Mainboard de Kommunikaschoon sekert. De Bus is mehrst en Sammel-Leitung mit vele Adern. He arbeit na en Taktfrequenz. Wenn en Bus nich bloots op dat Mainboard rümmerlopen, man mit de Butenwelt in Kontakt treden will, denn heet dat Slot. De Bus maakt sotoseggen en Steckplatz apen un seggt: Kaamt man her, ji Koorten, de ji hier rinpasst.
8 Bit. Is en gängige Eenheit för lüttste Datenmengen in't Computerwesen; mit 1 Byte laat sik 256 ünnerscheedliche Tostänn utdrücken. Teken warrt so codeert.