Uns leeve Wiehnachtsmann

vun Walter Meß


So lang ward dat nu nich mehr duurn,
de Kinner sünd all lang an luurn,
denn kümmt he hier op Erden an,
uns leeve gode Wiehnachtsmann!

Denn kümmt he mit sien langen Bort,
vun baben dörch de Himmelsport,
he kümmt mit sienen groten Schleden,
de Göörn de lehrt all nu dat Beden!

He kümmt mit sienen groten Sack,
de driggt he op sien "Huckepack",
dorbi hett he nu uk sien Rood,
de bruukt he bi veel Oevermoot!

Doch wenn dat alles klappen deit,
denn hebbt de Kinner uk veel Freid,
un wenn man denn goot beden kann,
denn freit he sik, de Wiehnachtsmann!

Nu is dat blot noch korte Tiet,
denn is dat weller mal so wiet,
bet dorhen öwt wi fix dat Beden,
un töövt denn op den groten Schleden!



na baven