Wiehnachtsleed för plattdüütsch Lüd

vun Friedrich Schnoor, tostüürt vun Freddy Schnoor


Alljöhrig to desülwig Tied,
Wo uns dat Christkind komen,
Sünd ok, as wie man d' nu hier süht,
Veel plattdüütsch Frünn' ut Noh un Wiet
Bien Wiehnachtsbom tosomen.

Woll opp de wiede Erdenrunn'
Kann't doch nicks Scheuners geben,
As wo in weihevulle Stunn
Vun glieke Ort tohop sick funn',
uns plattdüütsch Wies' to plegen.

Noch kräfdig drückt man hier de Hand,
kennt Stolz ok nich un Dünken,
Blot mehr noch unner'n Wiehnachtsglanz
Knüppt straffer sick de Fründschaftskranz,
Bie'n hellen Lichterblinken.

As deep in'n söten Wunnerdrom,
Opp lichten Engelsswingen,
So feuhlt sick hüt woll alltosom,
Wo tru vereent bie'n Dannenbom
De Wiehnachtsleeder klingen.

Opp' Ne'e drum hier Olt un Jung
Hüt Obend uns sölt lehren:
Allümmerdor vull Leew und Swung
Uns' plattdüütsche Vereenigung
Un plattdüütsch Ort to ehren!


15.12.2019


na baven