März

vun Brigitte Fokuhl


In' n März, dor krempt sick allens üm.
De Sünn stiggt hoch un höger
un hett nu al een beten Kraasch —
dat Fröhjohr kümmt uns neger.

De Gorners haalt den Hacker rut
un ok den groten Spaten
un graavt nu eerstmal allens üm.
Dat Unkruut kriegt s' tofaten.

Un dorbi kümmt een je in Sweet,
man treckt de dicke Jack ut.
Paß up, dat du di nich verküllst,
süs löppst du nahst mit'n Snappsnuut.

De Luft prickelt up unse Huut,
un wi fangt an to singen,
de erste un de twete Stroph'...
wat ward' April woll bringen?



na baven