Juni

vun Brigitte Fokuhl

In'n Juni geiht dat gau vörran.
De Spargel kriggt dat Scheten.
Wi kaakt uns jung' Kantüffefn af,
Diät is nu vergeten.

Wi freut uns up dat frische Gröön,
up Arven, Bohnen, Wötteln
un rode Erdbeern up de Tort
un ok ut grote Schötteln.

De Käfers burren hen un her
un söökt sik wat to naschen.
De Hamsters finnt wat up'n Feld,
packt allens in ehr Taschen.

De Natur maakt nu Öwerstunn',
dat wasst an alle Kanten.
Wi hebbt in'n Gorden fix to doon
un heegt uns' Bloom' un Planten.