To Johrsenn

vun Walter Meß


De Wiehnachtstiet hebbt wi nu hatt,
bi uns op'n Lann un in de Stadt.
Gottesdeenst und Krippenspeel,
dat geev uns Fehmaraner veel!

Mit groote Schreed gaht wi nu hen,
tosam all na dat Johresenn.
Wi kiekt torüüch op't ole Johr.
Op all uns Wünsche wörrn nu wohr?

Nich allns kann in Erfüllung gahn,
dat Schicksal höllt uns oft to'n Narrn!
Nu hööpt wi all för't niege Johr,
dat veele Wünsche ward doch wohr!

Een beten Glück gehört dorto —
leeve Lüüd, dat wünsch ik jo!
Laat uns man alltosam nu beden
to Johresenn för veel mehr Freden!

Ik wünsch jo, wenn dat irgend geiht,
för't niege Johr Tofredenheit!
Gesundheit jo, een langet Leben,
dat allns tosam mit Gott sien Segen!


29.12.2017


na baven