Dat Johr, dat löppt …

En Fehmarnriemel vun Walter Meß


Een feinen Sommer hebbt wi hatt,
mien leeve Lüüd, dat weer doch wat!
All uns Gäst', de weern tofreden,
för Fehmarn weer't en groten Segen!

Un uk de Oorn, de weer doch goot,
un geev de Buern frischen Moot,
nu hebbt se plöögt uns fruchtbor Eer
op Fehmarn hier, an't grote Meer!

To Erntedank, dor wüllt wi beden
un höpen uk op Gott sien Segen,
wüllt wiesen nu uns' Dankborkeit,
dat allns mit uns good wiedergeiht!

Dat Johr, dat löppt un steiht nich still,
dor kann man maken, wat man will.
De Luft ward snutig, dat is wohr —
ik glööv, nu is de Harvst bald dor!


21.9.2014


na baven