Gröönkohltiet

vun Walter Meß


Dat is bi uns wi jedet Johr,
de schöne Gröönkohltiet is dor,
ik heff mi all siet Dogen freiht,
dat dat nu Gröönkohl geeven deiht.
Gröönkohl is mien Lievgericht,
wat Beters gifft dat doch wull nich!
Mien Fru, de weer all fix bie'n Kaken,
un ik dach an de schönen Saken!

Swiensback, Wuss, Kantüfffeln "sööt",
so kümmst du weller op de Fööt!
Un achteran een lütten Köm,
ik meen, dat is ganz "angenöhm"!

Dokters Rat harr ik vergeeten ,
hüüt wüllt wi ölle Gröönkohl eeten,
schiet doch an de Kalorien,
wat mutt, dat mutt, hüüt mütt dat sien!

Vun Anfang an weer mi dat klor,
so is dat aver jedet Johr,
De Gröönkohl is dat Leegste nich ,
de Swiensback haut so op't Gewicht!

Un achteran lickst di üm't Muul,
liggst op'n Sofa un büst fuul,
denn dröm ik mit en slecht Geweten
vun Swiensback un vun Gröönkohleten
un denk bi mi, dat is doch klor:
"Ik frei mi all op nächstet Johr!"


12.9.2011


na baven