De gröttste Freud all Frünn di hüt
giern schenken,
wiet oewert Land ehr Hartslag di blot gellt,
un ok för mi is ümmer dat wat tellt,
dien Wuurd, dien Leiw mit all ehr sinnig Denken.
De Leiw von Mudding, Vadding di eins gäben
is üm un bi noch schöner as ein Blom,
un all dien Ratsläg wiesen uns dat Läben,
ein Speigel hüt von unsen Minschendrom.
Dien Minschenleiw läwt in uns jeden Dag,
dor möt de Minsch mit Dank di gratelieren
un fröhlich sien, wiel jedein giern di mag.
Ok Lütt un Grot all äuben Musizieren,
dien Huus ward hüt woll noch ein Dubenslag,
von Harten di Geburtsdagskind wi ihren.
|