Sommer geiht to Enn bilütten,
langsam gifft sik ok de Hitten.
För Dieter is't keen Dag to fröh,
denn Dieter wahnt ja in de Höh.

Gott, wat weer dat för'n Theater!
Bi Dieter leep de Ventilater
bi Dag un Nacht, un doch is't hitt —
wiel Dieter ünner'n Dackstohl sitt.

Wenn't regen dä, weer Dieter froh.
Bi Regen knallt de Sünn nich so,
denn sleep he maal, leeg nich bloots waak —
denn Dieter wahnt ja ünner't Dack.

De Küll in'n Harvst, de maakt em blied,
man Winter is ok nich sien Tied —
wenn't koolt warrt, is he ok in Nöten,
denn ünner't Dack, dor muttst dull böten.