To'n Geburtsdag

vun Gisela Küter


Freu di to jedet niege Johr,
dat di de Herrgott schenkt.
Un nimm dat Leven nich so swoor,
't is later, as een denkt.

Dorüm geneet de Gegenwart,
denn ok dat lüttste Deel
bringt Glück un Segen in dien Hart,
erfreut, maakt riek de Seel.

Denn deep in di, dor is en Quell,
un graavst' in ehr herüm,
denn warrt de kamen Daag gau hell,
un nix bringt di mehr üm.

Wees dankbor för de lütten Dingen,
de di dat Leven bröcht;
denn warrt di ok dat Groot gelingen,
wo du hest lang na söcht!



na baven