So vele Johren sünd as nix
vörbigahn, un du steihst
so frisch vör uns, so sund un fix
in schickes Outfit, niege Büx
du schienst noch jung tomeist!
Du büst noch jümmers flott un slank,
nich süük un nich verklaamt.
So much dat gahn noch johrenlang.
För all de Johren seggt wi Dank,
för de ok, de noch kaamt.
Bewohr dien frischen Sinn un Moot,
eendoon, wat kamen mag.
Wi hööpt, dat Freuden kamen doot.
Wi all blievt di vun Harten good
för nu un alle Daag.