Nu
kiek mal an! Büst negentig Johr! Dor is een stolt, na, dat is kloor! Un
dat de Lüüd sick blots nich wunnert, du geihst nu graa to up de
Hunnert. In negentig Johr is veel passeert. Mal weer dat Geld nich mehr
veel weert. Denn hebbt wi uns up 't Nie' besunnen, verleevt un fiert schöne
Stunnen. Du weerst dorbi, du kannst vertellen. Wi höört up di,
du warrst wat gellen. Un güng dat ok dörch Barg un Tal un kööm
ok Blitz un Dunner dal, hest männigmal nich allns verstahn, büst
liekers doch nich ünnergahn. Villich güngst du ok mal koppheister
un hest dat Leven nahst doch meistert. Keeneen weet, wo dat mit em kümmt un
wat dat Schicksal hett bestimmt. De Klock, de sleit, de Tiet verrönnt,
di is een langes Leven gönnt. Proost! |