Dat Wihnachtslicht verglimmt Dei Wiehnachtstied geiht toenn, dei aftåkelten Bööm warrn an dei Sammelplätz afleggt, afhålt un häckselt. Lüchten daun sei nu nich miehr. Dat Licht von 'n ganz grell lüchtend Stiern hett
dei Schäpers inne Nacht den Wech nå Bethlehem wiest, wo
sei denn dat Kind inne Krüff fünnen, dat Gottes-Kind, dat
ranwussen dei Grünner vonne Christenheit wür. Un ut dat
Stiernenlicht inne Wihnachtsnacht würn so nå un nå
dei Lichten up'n Dannenbom. Un dei Lichtenpracht is ut'e Finster rutwussen
mit Lichtengirlannen anne Dackrönn, up jeden Bom un Struk un
sei lüchten nu von buten dei Binnendekoratschon an: Schwippbågens,
Engels, Wichtel, Schnei- un Wihnachtsmänner as Rümståhlings
orrer sei kladdern an Wänn' un Muern inne Hööchde.
Taun Deil kümmt disse marktwirtschaftlich Wihnachtspracht ut
uns Arzgebarch, wer 'n groter Deil kümmt ut Fiernost. Nu
will uns Regierung ja ok den Hannel mit China nie dörchdenken
un denkt dorbi gor nich an dei välen Lichterkäden, Lüchtfiguren,
Kugeln, Lametta un wat noch so allens ranschäpert ward un dat
dat åhn den Schmuck ut Fiernost tau Wihnachten recht trurig
warden künn. Dei Hannel mit Ierdgas un Ierdöl wür ja
all nie dörchdacht, dor sall Russland doch blot dat Wunnern kriegen,
woans denn in Düütschland ut dei Tiedenwenn' ok 'n Energiewenn'
Doch dat geef tau dei Tiet ok all Sorgen wer tauväl Riekdaum, un dei wiesen Maaten von'n "Club of Rom" wiern sik eins, dat dat so nich wieder gåhn künn, un hemm' ehr Infäll in 'n Bauk "Die Grenzen des Wachstums" upschräben. wer dei Geldjieper hett all ehr Ratschlääch in'n Wind schräben, un nu hemm' wi den Salat. Dei Globalisatschon hett sik werläwt un in't digitale Tietöller ward mit Satelliten, Kamikadsedrohnen, werschallraketen, schietig Atombomben un noch anner Kriegsmaschinerie dei Kolle Krieg nie uplecht. Un wedder is Wihnacht, doch dei Lichten sallen nich so lüchten as gewennt, all sünd anhollen, bäten nehriger mit dei Energie ümtaugåhn. Un so as uns Vöröllern ut Bang vör dei anglo-amerikan'schen Bomber ehr Finster verdüstert un 'n "Stromsperr" in'n Kop nåhmen hemm', so råden uns Poletiker hüt von den wergroten Lichtenschämer un künstliche Iesbåhnen, dat Anlüchten von Buwarken bi Dach un Nacht un anner Reklåmelichten aftauseihn, üm 'n "Bleckaut" aftauwennen.
10.1.2023
|