 |
|
vun Heinz Tiekötter Is di dat ook all opfullen? Donald Trump leest bi't Schnacken nienich vun en Blatt af. Dat is doch beindruckend, dat een de hele Welt ünnerhollt un dorbi keen Manuskript hebben mutt! Een, de blots afleest, hett jo keen Ogenkontakt mit siene Toheurers un he bruukt siene Hannen to'n Ümblädern. Dat mookt em langwieliger as een, de so free snackt as Donald Trump, de mit beide Hannen Biller in de Luft molen deit un sik — ganz Präsident — souverän över de Regeln vun Satzbu un Grammatik wegsett as över de Verfaten un över Gerichtsurdelen; Trump, de sik ok vun en Thema nich terroriseern lett un eenfach snackt, wat he will. Wat nu kümmt, dat mutt ünner uns blieben. Wat nüms weet, dat is: In dat „Witte Huus“ in Washington gifft dat boben ünner'n Dack 'n Tonstudio mit een Sender. Un in dat Studio sitt een vun Donald sien Schriebers. Is di dat nich opfullen? Wenn Donald en Reed hollt, hett he jümmers so'n Knopp in't Ohr. Dorüm seggt he oftens wat anneret as vör söben Doog. Villlicht hett he den Schrieber grood rutsmeten or de weer krank, un denn sitt door en anneren. Ik weet dat ut eerste Hand. De mi dat vertellt hett, verköfft de Batterien för Trump siene Heurgeräten. Un nu kümmt dat: Gegen Betohlung köönt Lobbyisten sik dat Mikrofon utlehen. Ik geev mol en Bispeel: As in'n März 2018 in Florida 'n Verrückten 17 Schoolkinner afmurkst hett, demonstreerten de Scheulers öberall in Ameriko op de Stroten. An düssen Dag hett Trump ohne Knopp in'n Ohr jem in de Hand versproken, dat he den Hannel mit de Scheetiesen inschränken ward. Söben Doog loter snack he wedder öber düt Thema. Un düttmol seet ok de Knopp in sien Ohr. Nu hett he dat vertellt, wat de Stimm vun de Wapen-Industrie em totüster. He hett seggt, wenn sik jede Kiek, so löppt dat elkeenmol af: De Minschen demonstreert för jemmer Ansicht un Trump hollt 'n Ansprook. Wat he seggt, kummt bi de Minschen good an. Man de Lobbyisten un Verbandsstrategen gefallt dat ober gornich. Se sünd bang üm ehr'n Ümsatz. De Böberste vun den tostännigen Interessenvereen röppt bi Donald an un much geern weten, wat he nich nochmol öber düt Thema snacken will. He harr denn geern vörher den Slötel vun dat Studio — un ehe dat Donald mit sien Vördrag anfangt, sall he man rechtiedig den Knopp in sien Ohr steken. He mutt sik man keen Sorgen moken; de Vörsegger an't Mikro ward langsom un düütlich snacken, dormit Donald tominnst de Hälft in verständlich Ingelsch weddergifft. Tja, un nu weet ji ok, wosaken dat Hü un Hott mit de Zölle tostann kümmt: Welk vun sien Spezis seggt: "Wi mööt de Börs crashen, laat Donald Zölle as verdull verhängen, denn stört de Aktien af, ik köff mi billig en poor fette Pakete för'n Appel un en Ei, un an'n neegsten Dag laat wi Donald seggen, allens is halv so wild — un mien Aktien sünd batz dat Duppelte weert! Dorbi is de Hüür för den Donald-Sufflöör-Knoop locker över." Tja, Dealmakers gifft dat even överall!
Nee, Donald peilt gor nix. Bloots twee Wöör kann Donald all utwennig: “America first“! 16.4.2025 |
Mann in't Ohr 
Amerikoner wiederhen sien egen Ballermann an elkeen Stroteneck keupen kunn, denn bruken de Amis keen Sorgen wegen Terroristen hebben. Wat de Sufflöör öber dat Mikro nich seggen droff, dat is, dat in Ameriko mehr as 30.000 Minschen in elkeen Johr dörch düsse Wapen starvt.
