vun Heinz Tiekötter Adje Brumm is de Vörstand vun 'ne grote Personolfirma. He is sotoseggen de Nummer 1 vun de Leiharbeiters. Adje is 'n fixen Golfer. Bi dat leste Turnier hett he Bruno Quast kennenliernt. Dat is de Böberste vun de grote Energie AG, de ehrn Sitz hier in uns Stadt hett. De beiden Managers harrn tosomen in ene Grupp speelt. Wenn du di vörstellst, dat so'n Speel öber ene Streck vun soss, söben Kilometer geiht, denn weetst du, woför dat goot is. Dor kannst 'n Barg besnacken. Grote Ünnernehmen seht dat geern, wenn ehre Top-Managers bi
so'n Sport as Golf dorbi sünd. Dor köönt Kontakte knüppt
warrn un en kümmt lichter an Opdrääg ran. Du lehrst
dor Politikers kennen un Toplüüd ut de Verbände. In
de Golf-Casinos ward no dat Speel jümmers Adje Brumm hett öberall gode Kontakte hen. He hett ok bi de Energie AG welk vun sien Leiharbeiters ünnerbrocht. Man nich genoog. He harr dor geern 'n Steigerung. Un Bruno Quast harr wull ok nix dorgegen. Bi dat neegste Turnier wulln se doröber snacken. As Brumm an Freedag Nomeddag in sien Büro seet vörmiddags
harr he Golf speelt , reep he sien Personoldirekter to sik un
vertell em, dat se nu dank sien egen Düchtigkeit betere Kontakte
to de Energie AG harrn. Van Obend ward he in Club-Casino den Vörsittenen
Quast drepen un morgen ward he mit em Golf spelen. He bruuk nu fix
de Ümsätze mit de Energie De Personoldirekter reep den Leiter vun de Bookhollung to sik, verkloor em allens un geev den Opdrag an em wieder. De versammel siene Saakbearbeiters üm sik un vertell jem, dat de Fierobend utfallt. De Boos bruuk noch düssen Freedagobend de Statistiken un Listen öber de Geschäfte mit de Energie AG. He ward dat sülmst öberwachen. Wenn allens fardig is, ward he perseunlich de Opstellung op den Schriefdisch vun Herrn Brumm siene Bürovörsteherin leggen. Herr Brumm ward den Ümslag mit de Tallen dörch sien Fohrer in de freuhen Morgenstünn afholen loten. De Mann sett sik jo för de Firma in.
Meddernacht weer lang vörbi, dor harrn se de Opstellungen fardig. De Afdeelungsleiter packt allens in en Ümschlag un schrifft mit sien beste Handschrift 'n perseunlichen Gruß an den Vörstand dor op. Un denn köönt se endlich Fierobend moken. An Moondag üm Klock acht röppt Brumm siene Bürovörsteherin
in de Bookhollung an un froogt, wat dat Och, seggt Brumm, dat mit de List harr sik lang erledigt. He harr de Opstellung nich mehr bruukt. De Bruno Quast vun de Energie AG, de kennt jo nich mol de eenfachsten Golfregeln. Mit düssen Keerl harr he sik fix in de Hoor kregen. Dat weer'n groten Gniet un 'n bannig unsympathischen Minschen. Dorüm harr he freuhtiedig dat Turnier verloten. Op Geschäfte mit solk Lüüd as Quast leggt 'n Adje Brumm keen Weert! 19.7.2020 |