Operatschon "Midnight Hammer"

vun Behrend Böckmann

Wat keem wull as 'n "Völkerrechtlerin"
uns Annalena in den Sinn,
as sei vernähm den Iran-Jammer
von Donald sienen "Midnight Hammer"?
Feministisch un dull grön,
finnt se't in Nju Jork nich schön,
möt dei rechten Wür nu finnen
un deit sik taurüchbesinnen.

Un ut Tieden lang verläden
burren "Waffen för den Fräden",
so ganz einfach husch, husch, husch,
riemelt einst von Willem Busch,
wo Schwienägel mit sien Waffen
will up'n Acker Fräden schaffen.

Dei Voss, dei sitt in Teheran,
hei hett dei Juden Leid andån,
dei scheiten nu Schwienägel-gliek
Raketen in dat Mullah-Riek.
Nie nich sallen dei dat schaffen,
tau besidden Atom-Waffen.

Denn't Völkerrecht deit reklamiern,
sik sülben tau verdeffendiern,
wenn man denn ward œwerfollen
von einen, dei nich deit inhollen
Rägeln för't Tausåmenläben,
dei dei Länner sik hemm' gäben.

Un Tarnkappbomber jagen
mit Bomben tau Atomanlagen,
klinken ut un daun sik sputen
un in fiefuntwinnig Minuten
wier 'n Anlåch kort un klein,
wat up Korden is tau seihn.

"Bunkerbrechende Waffen! Hundert Meter durch Stein oder Beton! Genauso hätte ich es auch gemacht!"

"Fründ" Fiete is gliek inverståhn,
wat "Fründ" Donald dor hett dån,
un wünscht sik von nu an sihr,
dat hei an'n Stell von Donald wier.
Künn Putin denn tau fåten kriegen,
mit Taurus so den Russ besiegen.

Ok Annalena will mit Waffen
so as Schwienägel Fräden schaffen,
doch as Feministin sei nich weit,
woans Busch tau Frugens steiht,
dat dat bi em in'n Seggwurt heit:
"Sei is 'n Wief!
Weit dei Düwel, wat sei deit!"*

* "Sie ist ein Weib! Weiß der Teufel, was sie tut!",
in: Wilhelm Busch: Aphorismen und Reime

"Bewaffneter Friede" von Wilhelm Busch Ganz unverhofft, an einem Hügel, Sind sich begegnet Fuchs und Igel. "Halt!", rief der Fuchs, "du Bösewicht! Kennst du des Königs Ordre nicht? Ist nicht der Friede längst verkündigt, Und weißt du nicht, daß jeder sündigt, Der immer noch gerüstet geht? - Im Namen Seiner Majestät, Geh her und übergib dein Fell!" Der Igel sprach: "Nur nicht so schnell! Laß dir erst deine Zähne brechen, Dann wollen wir uns weitersprechen." Und alsogleich macht er sich rund, Schließt seinen dichten Stachelbund Und trotzt getrost der ganzen Welt, Bewaffnet, doch als Friedensheld.

"Waffen för'n Fräden" von W. Busch plattdüütsch: B. Böckmann Dörch Taufall inne Möt ganz krägel keemen sik Voss un dei Schwienägel. "Halt!", reep dei Voss, "du olle Racker! Höllt Königs Order di so wacker? Dei Fräden is all längst verkünnigt, un weitst du nich, dat jedein sünnigt, dei ümmer noch mit Rüstung geiht? - In'n Nåmen von uns Majesteit, Gåh hen un lech nu af dien Fell!" Schwienägel secht: "Man nich so schnell! Låt di man ierst dien Tähnen bräken, denn warden wi von Niegen spräken." Un furtsens måkt hei sik ganz rund, billt nu son'n dichten Tackelbund, wiest sik ut Trotz nu alle Welt, in'n Waffenkleid as Frädensheld.