Song för Angela Merkel
...to'n Internatschonalen Fruunsdag

vun Hannelore Hinz un Marlou Lessing


Merkel. Bild: © Aleph/Wikimedia Commons
Merkel. Bild: © Aleph/Wikimedia Commons

Hüüt sing ik mal för all de Fruun,
de op Ehr Kraft un Fliet vertruun.
Fru Merkel, Baas'sche in Berlin,
Se sünd mi veel to liesen!
Mehrst töövt Se af: Wo treckt dat hin?
Se schallt de Richt doch wiesen!
Wenn ik dat dä, wat weer denn los?!
Dat geev en lege Drift:
Keen Geld, keen Kohle un keen Moos,
bloots wat Hartz Veer mi gifft!
Se dammelt rüm, man de Momang
brukt faste Hand! De Tied warrt drang,
besünners för us Fruuns warrt't hart:
Fru Merkel, gaht Se an den Start!
Dat Töven maakt sachs faken klook,
man jichenswenn is't denn ok noog!
De Börs, de is us schietegaal,
man in uns' Kniep geiht't ok hendal,
un denn — dat is de gröttste Mist —:
de Arbeitsplatz is nich mehr wiss!
Wi Fruuns brukt Planungssekerheit,
in Arbeit un privaat!
Wenn allens in de Binsen geiht,
is noch op uns Verlaat.
Op Se doch ok? In Ehre Hann'n
liggt uns' ganz Land, de Staat.
Fru Merkel, strengt Se sik bloots an!
En Fru is an de Macht!
Bröch de nich allns op Vörrermann,
dat weer doch wohl gelacht?!


Hoochdüütsches Oginaal: hier
8.3.2009


na baven