Gipfel-Stormer Dütschland hett en Fründ. Tominnest eenen groden Fründ
hebbt wi in't Utland. De heet Manuel Barroso, is ut Portugal, is Präsident
vun'ne EU-Kommission un en bannig grode Fründ vun us Dütsche.
Dat kummt veelicht dorher, dat he ok anners mennichmol so'n beeten
snaaksche Ideen har. Un nu har he gau in sin Terminkalender keeken un woor wies, dat dor in'n Mai noch twee Dog free wern. Fors har he en europäische Gipfelkonferenz ankünnigt, üm över de Tokunft von de Europäische Verfassung to beroten. Dat Dösige wer blots, dat vun disse Gipfelkonferenz kineen wat wusst har, nüms wer inlodt oder ok blots informeert ween, un nu sünd se al knartschig, dat Barroso jüst se nich har mitspelen loten. De rudert nu trügg, he har gor kine "offizielle" Konferenz meent, he wull blots mit den Pöttering von't EU-Parlament (düütsch, CDU) un mit us Angela (ostdüütsch, CDU) schnacken, alle annern kunnen tohus bleven. Dree konservative Dütschland-Fans plonen unner sick de Tokunft von Europa. So en Konferenz is wohraftig de Gipfel.
En echten Gipfel kriegt wi dit Johr ok noch, den von de G8. Un dormit
har use tapfere Polizei al fix to don. Mit 900 Mann har de nu överall
in Dütschland nor Mitglieder vun de "Militante Gruppe"
söcht. Disse "Militante Gruppe" besteiht twoors blots
ut 3 Personen, von de twee al över 60 sünd (de Drütte
Dat Problem mit Razzien vör en Gipfel is jüs datsölbe as mit den Gipfel sülbst: Een kunn dat nich all recht moken. Jümmers föhlt sick een Koppel Lüüd översehn un trüggsett. So ok nu: "Dat heele Spektrum von G8-Kritiker warrt kriminaliseert", hett sick nu ATTAC beswoort, "blots wi nich! Worüm hett kineen us dörsökt? Wi wullt ok dorto hörn." Dorbi is jüst ATTAC en heel gefährliche Trupp. Dat siggt een al doran, dat nu ok Heiner Geißler ATTAC bitreden is. Desölbe Geißler har inne 80er Johr de Fredensbewegung "de 5. Kolonne vun Moskau" nöömt. Wat is he denn nu? Kolonnenföhrer? Putin ward sick wunnern. Un Geißler kunn sick jüst so god glieks bi de "militante Gruppe" bewarben. Old noog is he jo.
Op annere Rebetten weer Schäuble nich so fix. Dor har he jo de Idee hatt, over dat Internet private Computers uttospioneern. Een poor Weken wart över diskuteert un denn kummt rut, dat de Geheimdeenste dat al lang don, wieldat sin Vörgänger dat al anordnet har. So schwor is dat, noch konservativer as Schily to ween.
Un noch een Gipfel geiht disse Dag los: De Johreskonferenz von de
Weltgesundheetsorganisation WHO. Dor geiht ünner annern üm
en Krankheet, de bi us binoh kin Thema mehr is: Tuberkolose. Jedeen
Johr starben 9 Millionen Minschen dor an, wieldat de Erreger gegen
de olden Mittel resistent worn is. T Over dat schall nu nich gegen de Pharmaindustrie gohn. Nix gegen
de! Up annere Rebetten sünd de nämlich fixer, as een glövt.
To'n Bispeel bi'n Radsport. So gau kunnen
de Kontrolleure gor nich kieken, dor har al wedder en Radprofi de
Spritze i Wi lernt also: Sport is gesund so lang as de Chemie stimmt! Dat seggt ok Maat
Jan |