Maat Jan ut Bremen

Maat Jan präsenteert: den

Homo Hanseaticus


Nu is dat so wiet! Ick hebb dat jo jümmers komen sehn. Knapp is de Hamborger Senat nich mehr root, is he up eens rosa worn. Un dat utreknet von een "christlichen" Politiker, Rosa vun Beustde ok noch een "von" is, also so 'n rechten piekfeinen Hamborger.

Ick segg jo, ick hebb dat komen sehn — man denn kummt't doch wedder anners. Ick hebb al lang seggt, dat de Justizsenater Kusch (de Noom schon alleen, also pfui!) sien Börgermeester "in'n Mors kropen" is — ober dat meen ick doch nich so!

In Berlin is dat los gohn mit een Sozi, nu de Ole vun Hamborg — bloots dat lütte Bremen kunn sick noch nich mol een egen Skandol leisten. Dor is nämlich de Börgermeester togliek ok Justizsenater. Dat heet also, Henning Scherf möt wat Henning Scherf (dat bövelste Enn dorvun)mit sik sülben hebben. Hett he ok. Man keen Sex nich — nee: een Koalition!

Henning Scherf is de grote (oder beter: lange) Koalition persöönlich, un dat alleen mokt em al to een Kandidaten för de tokomene Präsedentschap! Dor warrt weck em op!jo disse Dog al grot klüngelt un spekuleert, wekeen den Rau denn wohl aflösen kunn. Dorbi is de erste Frog jo de: Wekeen weckt em rechttietig op?

Ober 'n beten Tied hett dat jo noch bit to de Wohl in tokomen Johr. Un bit dorhen warrt noch veel hen- un herkoaleert. Bi sowat kunn op eenmal jeder bi jeden achtern rinkrupen — dat is slimmer as 'n Skiurlaub mit Ole von Beust!!

Mach ween un Ronald Schill schielt ok al op höhere Ehren — tototruun weer em dat. Velicht harr he dat al jo bloß inszeneert, dormit he free is vun de möhsome Alldagspolitik. Ober bit to de Wohl kreiht nor em worschienlich keen Hahn mehr. "Un dat is ok good so!", meent tominnst

Ehr

Maat Jan




na baven