![]() Münte I bet Hartz VI
Siet de Kanzler- un SPD-Raatgever Peter Hartz sülvst in Schwulitäten kamen is, geiht dat mit de Partei wieder bargdal. De Vörstand hett to sösstig Perzent enen Knall, sünst harr he sien Vörsitter Franz Müntefering nich oplopen laten. Wenn man wedder na links stüern will, denn nich to dissen Tietpunkt, wo de Wählers endlich Kloorheit hebben wullt. Dörv man den Lüchttoorn vun de SPD so lichtfardig ramponeeren?
Edmund der Zauderer hett nu sienen Grund funnen un is
afsprungen. He krüppt fieg torüch in sien sekeres Nest na
Bavaria. Angela swiggt still un smuustert Ik meen, Angela is nu beter bedeent, denn Edmund kann
nu nie, nie, nie wedder över meckern, wat de Politik in Berlin
allens verkehrt maakt. He harr ja de Schangs, dat to ännern
un hett den Steert inknepen. Över wat schall he nu in sien Bierzelt-Reden
poltern? Över dat Weder? Dat warrt lustig!
Nadem Andrea Nahles ehr Kandidatur torüchtrocken hett, is de
verradene Vörsitter sachts praat, as Arbeitsminister un Vizekanzler
in de groote Koalischion Verantwoorden to övernehmen. Mit Matthias
Platzeck as sien Nafolger is he inverstunn. He hett sik as een wiest,
de to bruken is, he weer de groot Organisatoor un best Dieklöper
bie dat Hoochwater. Mit siene natt-forsche Spraak kann he Lüüd
övertüügen. He schall praat siene Regenkledaasch un
de Gummischöh wedder utn Schapp halt hebben. Wieldat nich
blots de SPD, sünner ganz Düütschland dat Water bet
ton Hals Nüms weet dat. Woans een de fehlenden Milliarden insporen kann, dat is noch kumplett unbekannt. Trotz anner Utsaag vun de SPD vör de Wahl warrt de Mehrwertstüer seker ropsett. Sporen wüllt se ok bie de Arbeitslosen, un de ganzen Hartz-Gesetze schölen enen annern Naam kriegen. Wohrschienlich Münte I IV. De SPD-Spitz un afsünnerlich de afwählt Kanzler as sien Fründ is dat schaneerlich, wenn dat Woort Hartz utsproken warrt. De Arbeitslosen kannst Hartz IV ok nich mehr tomoden, sietdat Herr Hartz so in Schwulitäten is. He schall sik sülven happig an dat Spesengeld vun'n VW-Konzern bedeent hebben. Un denn ok an Lustreisen tosamen mit Bedreevsrat deelnahmen hebben. Nich to vergeten de vun VW betahlte Modell-Wohnung un Sex mit Prostituierten. Bertha meent, se hebbt mit em den Buck ton Goorner maakt. Un ik bün seker, vun Hartz I-IV warrt nix över blieven. Keen Ingang in de Geschichtsböker as geniale Reform. Un all Mannslüüd denken blots niedsch an Hartz-VI (sex!). Martin Ripp
5.11.05 |