Klinsmann ade

vun Günter Weber


Den Schwaben Klinsmann willt wi in sien Modersprak mit en kräftiges "Ade!" verafscheden. Denn Klinsmann geiht trüch na Kalifornien.

Wor hei dor man bläben. Nee, nee — en gauden Fautballer is hei weest. Ja, dat’s wiss un wohr. Enen Fautballliehrer, nee, dat wor hei nie nich. De gewaltige Euphorie bi die Weltmeisterschapp künn dat niet verbargen. Hei wier ja man bloots wat för de Seel; de mehrste Fautballtrainer-Arbeit hefft all bi de Weltmeisterschap sien Mitmakers an de Hacken hatt. Klinsmann kunn en junge, unsekere, mootlose Mannschap seelisch uprichten un anfüern. Da wier hei gaud för. Nu kümmt so en Minsch na Bayern. De Profis da brukt keen seelisches Uprichten. Beckenbauer, Hoeneß un Co. wacht över en Laden, de meist bloots noch en Geldesel sien schall. Tellt de Minsch dor noch?


Klinsmann lacht jümmer. Bild: Alexander Hauk

Ik dink nich, wenn ik mi den Podolski so bekiek. Hier geiht het üm Euros. Nich to knapp. Denn sin dor ja ok noch de Fautballers. As de nich willen, maken de enen Trainer farig.

Beduern? Nee, beduern kann ik denn Klinsi nie nich. As jeder van uns Näber, de sein Wark verloren hett, so afgeferrert würd, wasten wi doch all büschen tufreeden.

Wat ik mi wünsch? Ok met denn goden Jupp Heynckes möet de nägenklauken Bayern niks winnen!


3.5.2009


na baven