Kain un Abel starvt nich

vun Rudi Witzke



Kain un Abel

Dörch Minschenhand füng dat an,
Kain un Abel weeren de iersten.

Elkeen Generatschoon fünn Grünnen,
to slaan, to stecken, to haugen.
Un den söchten se un fünnen
de Ursaak binnen in de Minschen,
in Aggreschoon,
Hatt up Frömde,
Hatt up den annern sien Gott,
Gier na Ööl un wat de Ierd hergifft.


Ritterturnier


Macht un Geld
stahn över allens.
Fröh fangt dat an.
"Mien Nintendo is en 3 DS."
"Mien Ei-Pott avers kann mihr."
Un den Olen:
"Mien Pierd, mien Huus,
mien Pool, mienYacht."
Dat Bullenrönnen geiht loos.
Immer beder, dürer, nieger.

Un all de Tiet brüden anner,
woans een noch miehr
in Stücke rieten kann.
Gewehr ward Maschiengewehr,
Kanoongranaat ward Raket,
Auto ward to'n Panzer.
Un wenn keen "Krieg" is,
denn scheit se even in en Upstand.


Kanonenfoder: Preußische Grenadiere, Maler Röchling

Un twüschen dat Füüer vun de Granaten
un Sprengtüüg vun de Suldaten loopt Minschen,
de nix Leges in'n Sinn hebbt.
En Füüerball, en Dunnergetöös,
un wedder sünd twintig, dörtig Minschen doot.
Un wenn de Grootkopeten tosamensitt,
denn snackt se diplomaatsch.
Segg "Nee!"; aver nich so;
in dat Nee mutt beten "Ja!" stecken.

Un bi Schampus un "Smückte" Stullen,
as uns Kinder as lütt sään,
pleegt se de dat "Klima".
Se sünd sik neger kamen,
seggt dei Narichtenmisch in't Radio
Un denn küümt dat Geheemnis doch rut:
Dusende Minschen hebbt de Drohnen
för de US in Obamas Tiet ümbröcht.


Cocktail by candle light. Bild mike gifford/wikimedia commons

Un wi hebbt ok Suldaten un wat dortau höört.
Wi scheiten aver nich, ne, ne. Uns 2 Transalls
transporteert Daschendöker,
Klo- und Kökenpapeer un Aspirin.
Un dat wi mit de Franzmanns tosamen
ok Drohnen mit Bomben hebben willt,
dat is en Löög, aver doch en beten wohr.


Bewaffnete Drohnen werden ferngesteuert. Bild Wikimedia commons

Un mit disse Bott is de Fredensduuv ünnerwegens,
bloots nich as en verkleedte Drohn?


Fredensduuv. Bild Elembis/Wkimedia commons


Drohn. Foto Brigadier Lance Mans/wikimedia commons


3.2.2013


na baven