Mobile Krematorien in den Ukraine-Krieg

vun Ludgerd Lüske


Dei britischke Verteidigungsminster Ben Wallace sä in sien Interview, dat dei russischken Truppen ein mobilet Krematorium insetten kunnen, tau'n Verschwiegen van Verluste.


Feld-Krematorium. Bild: Youtube-Screenshot

Siet den vergaohn Dönnerdag sünd russischke Soldaoten in dei Ukraine up den Vörmarsch. Mit Panzers, Raketen, Luftschläge un Landtruppen nähmt dei mit dei Tied dat Land in.

Mobilet Krematorium: Will dei Kreml wat verschwiegen?

Dei britischke Verteidigungsminister Ben Wallace besinnt sick in ein Interview mit "The Telegraph" dorup, dat man all maol Biller van mobile Krematorien bi dei russischken Truppen seihn har. Hei is bange, dat dei uck in dissen Krieg bruukt werd. In den Reuher-Aoben kann man biologischken Afffall bi orig hoge Hitte verbrennen. Dei Kreml kunn disse Apparaote insetten tau'n Verbrennen van Lieken. So kann man dei hoge Verlust-Taohl bi russischke Soldaoten verschwiegen. Dei britischke Naorichten-Siete "The Telegraph" wiesde up YouTube ein Video van so ein mobilet Krematorium, dat up einen LKW monteiert is.


Feld-Krematorium. Bild: Ludgerd Lüske

"Ick wörd mi däget Sorgen maoken"

"Wenn ick Soldaot was un wüss, dat miene Generäöle mi so minne achten dön, dat sei ein mobilet Krematorium achter mi naokaomen löten, off wenn ick dei Mauder off Vaoder van einen Säöhn was, dei in eine Kampfzone insettet wörd, un miene Regierung wöör dei Verluste mit ein mobilet Krematorium verschwegen, mök ick mi däget Sorgen", sä dei Verteidigungsminister Ben Wallace tau dei Reporters.


Sarg mit Fahn: So ehrt ein Land sien junge Männer, dei ehr Leven in'n Krieg verlaren hefft.
Russland verwannelt sien Dode in ein Handvull Asch un lett dat in dei Frömde liggen


Kein Krüüz erinnert denn noch an dei Schrecken van den Krieg. Afsicht?


Mehr Informationen:

Originaol-Artikel: Britischer Verteidigungsminister: Moskau könnte mobiles Krematorium nutzen, um Verluste zu vertuschen | STERN.de — SO-Platt: Ludgerd Lüske, 28.02.2022


1.3.2022


na baven