Trump: "Ik bün wedder dor!" vun Behrend Böckmann Dei Lutheraner Frederick Trump (1869-1918) ut Kallstadt/Pfalz is dei Grotvadder von Donald Trump. As einzigster von söss Geschwistern måkt hei 'n Lihr as Barbier un wannert mit 16 Johr tau sien öllere Schwester ut, dei all in Amerika läben dä. Nå twölf Dååch werfohrt an Buurd vonne "Eider" kümmt hei an'n 19. Oktober 1885 in New York an. Dat Glück is em gautgesinnt, hei ünnerhöllt por Wirtschaften, ward Ünnernähmer, friecht dei ut Schottland inwannert Elisabeth Christ (1880-1966), hett mit ehr 'n Shn Fred (1905-1999) un starwt denn anne Spaan'sche Gripp. Sien Fru un dei noch nich utwussen Shn Fred bugen mit dat ansammelt Vermögen (gaut 'n halw Milljon US-Dollar, dat wier dormalen ein enorme Wohlstand) dei Firma "Elizabeth Trump & Son" up. Dat Immobiliengeschäft löppt, man ward rieker un rieker, un as Fred dei Welt verleet, wier hei all Multimilljonär. Sien Kinner, dorünner ok Donald, künnen dat Trump-Imperium noch vergröttern, ut dat Milljonenvermögen würn Milljarden, dei den Donald ok hulpen hemm', dei 45. un 2025 taun tweiten Mål dei 47. US-Präsident tau warden.
Un so ward dei Lüdschnack "Dei Düwel schitt ümmer
up'n groten Hupen" äbenso wohr as "Geld verdarwt den
Charakter", denn hei nimmt sik oft mihr rut, as dat den einfachen
Mann orrer ok Poletiker tausteiht: hei nimmt oft kein Bladd vör'n
Mund, ritt denn dat Mul bäten wiet up un sien oft schnöselhaftet
Benähmen tüücht nich ümmer dorvon, dat hei von
gaude Öllern afstammt. Sien Hanneln is den Schien nå utricht't
up "Amerika first!", hei deit so, as wenn Amerika nich mihr
den Weltschandarmen un gröttsten Nettotåhler in Weltorganisatschonen
spälen un den Welthannel wer Töll nie utrichten will.
Ok will hei Frömde, dei sik tau Unrecht inne Staaten uphollen,
furtsens wedder taurüch schicken, dei Adepten vonne Rägenbogenfåhn
as Teiken vonne In uns Tied sitt meist jederein in sien eigen kulturelle (Internet-)Blås
un glwt, dat sien Weltsicht dat einzig Wohre is un sowieso all
Lüüd eigentlich op sien Sied sünd. Bi Trump is dat
ja åpensichtlich. Ok inne düütsche Taukunftskoalitschon
würn väle vonne Idee dräben, dat man politisch korrekt
("woke") un nich so as Trump schnacken sall, dat sei bloß
nich dei Geföhle von bizarre, ok mikroskopisch lütte Minnerheiten
versehren daun. So billen sei 'n rod-gräun-woke-feministisch
Blås, dei sik liekso as dei Gägenslüüd
för den Nåwel vonne Welt höllt. Wiss, Düütschland is entslaten, Trump nich in'n Mors tau krupen, as dat so väle nu daun. Wi mten wer ok mål op achten, dat wi unsen Horizont bäten wieder steken nich bloß wieder as Trump sien Darmutgang, sünnern ok wieder as uns eigen Internetblås. *LGBTIQ = Kürzel för "Lesbians, Gays, Bisexuals, Transgender, Intersex & Queers" 24.1.2025
|