Coronasong II

vun Marlou Lessing

Melodie: Das macht doch nichts, das merkt doch keiner
Eerste Song: hier
Drütte Song: hier
Veerte Song: hier

Niegseeland, Port'gal, Israel —
dat Virus weer meist weg!
Miteens rullt dor en twete Well! —
wi kriegt noch lang keen Schreck.
Bi de Länner stimmt de Chemie nich.
Man wi sünd wi! Wi kriegt dat nienich!


Bild Gesa Tams-Koll. Klick op to'n Vergröttern!

In Strandbad, Demo, Danz op d' Deel,
bi't Shoppen un in'n Lift
drängt wi uns maskenfrie, vull Weel,
as wenn't keen Virus gifft.
'keen dat deit, seggt welk, hett keen Plie nich —
man wi sünd wiss, wi kriegt dat nienich!

De jungen Lü warrt opsternaatsch,
se wüllt is amüsiern,
un kriegt se ok mit Udels Knaatsch,
se wiest den Staat de Stiern!
Mit Maske rümlopen weer pienlich —
wi sünd doch cool, wi draagt dat nienich!

An Regeln holln — so'n Spießerkraam,
wi kümmert uns nich üm!
Ok Afstandhollen findt wi lahm,
dor drückt wi uns ümrüm.
De ölleren Lüüd sünd so spleenig —
man wi sünd jung! Wi kriegt dat nienich!


Superman is ok al slapp. Foto Katja Renfert. Klick op to'n Vergröttern!

So föhrt wi gegen Regeln Krieg
un denkt, dat wi sachs winnt;
doch leider sünd't de Mathematik
ehr Regeln, un de stimmt!
Corona verlöppt nich graadlinig,
un e hooch x besiegst du nienich!


De Funkschoon e hooch x, links linear skaleerte y-Ass, rechts logarithmisch skaleerte y-Ass

— Warrt foortsett! —


27.6.2020


na baven