Dei oortgerechte Minsch

vun Behrend Böckmann

Œwerklauke is infollen,
ok Minschen oortgerecht tau hollen:
so as dat Schwien dei Moddersuhl,
leiwt nu dei Minsch 'n Wåderkuhl
un hei schlöppt wedder ganz froh
as dat Schwien up Gastenstroh!

Oortgerecht verricht hei hier
dei Notdurft åhn Klosettpopier,
mit 'n Strohwisch orrer Netteln
ward hei sik den Noors denn ketteln
un as dei Schwien einst ünner Bäuken
as Äten sik nu Eckern säuken!

Oortgerecht is allemål
dei Höhl in dat Neandertal,
doch 'n oortgerechtet Läben
künn dat blot in'n Hochhus gäben,
wenn dei Minschen sik as Immen
in dei Uptööch wedder finnen.

Un dei oortgerechte Mann
jåcht oortgerecht Schwien achteran,
oortgerecht ward't Schwien denn schlacht
un oortgerecht dei Sipp wull lacht:
Endlich wedder wat tau äten
doch oortgerecht, dat kannst vergäten!