vun Berthold Cordes

Den Dichter Josef Guggenmos
leet en Gedank gor nich mehr los.
Drüm güng he na sien Imker hin
un fröög dor denn de Königin:

„Ik müch woll geern mal Honnig hebben,
een Glas vull, dat schull mi recken.
Ik will't ok geern mit Geld betahlen.
Woveel? Du schallst mi't seggen.“

Imker K. Oetjen vör Immenstand

„Du kriggst dat Beste vun'e Welt!
Du köffst den gold'nen Sünnenschien.
För en poor Mark, för wenig Geld,
reine Gesundheit köffst du in!

För'n Pries nimm blots de Arbeitsstünn'
för miene redig flietig Immen.
Se flögen her un flögen hin,
reken dat na, dat ward so stimmen:

Dei Immenkönigin hett den grönen Punkt!
 
12.000 Stünnen sünd se flogen,
üm een Glas vulltokriegen.
Nu reken ik, dat is nich logen,
de Stünn 2,30 mööt se kriegen!“

Över 27.000 Mark weer de Honnig-Pries!
As de Imker dat hett höört,
güng he to em un segg lies:
Twee Mark föfftig! – Un dat weer't.

(Hüüttodaags süht de Reken anners ut:
12.000 Std. x Lohn tominnst 12,41 Euro,
dat gifft 148.920 Euro.
Een Glas Honnig köst 5,- Euro.)