Dezember op mien Balkon Muschkatt! As ik an' Nikolausmorrn op mien Balkon rutkeem un nieges Foder henkrümeln wull, fleeg wat lüchten Rodes na den Vagelbeerboom röver. Schwupp! Weg weern se! Dat weern doch woll Dompfaffen, Gimpel un Sünnbloomkerns harrn se freten! Miene Sünnbloomkeerns, de ik henkrümelt harr. Wat ik mi doch freuen dä!
Un nu seten Vadder un Mudder Gimpel güntsiet in'n Boom.
Dompfaffen hefft nu maal bloots ehrn lütten düchtigen
Kernbieter-Snavel. Jeden Dag sünd de wunnerschönen Vagels
ünnerwegens un söökt na Foder. Wat se do woll allens
so to freten finnt! Wörms un Kävers un Aavt, un Körner,
un
un
"Goden Morrn!", reep mien Naversch von Balkon nevenan.
Husch, weern de scheunen Vagels weg, aver se kemen nu alle Daag
to sülvige Tied an de Fodersteed op mien Balkon. Ik stünn
oft al achter de Gardinen, wenn se ankemen. Weer dat'n Spaaß! Dat was an Sünndagmorrn. Ik weer bit Klock negen an't Slapen, un as ik endlich na buten op'n Balkon keem, weern de beiden Dompfaffen, un ok de annern Vagels, al nich mehr to sehn. De Fodersteed weer lerrig freten. In de Nacht harr dat bannig sniet. Aver en Schriegen weer dor in de Luft! Wat weer passeert?
Mi wüür ganz bang tomoot. An dat Vagelfoder kunn se tominnst nich ran, mien Balkon is ja in eersten Stock! Un de Vagels harrn sik woll al so verjagt, dat se sik vull Bang versteken harrn. Dor weer keen Piepen un keen Flattern to höörn. Un doch Mit'n Maal kreeg ik dat to sehn. Dor weer Bloot in'n Snee. Un harr de Katt nich ok Bloot in ehr Gesicht hatt? Muschkatt, wat hest du daan? Hest du miene Doompfaffen ?! Ik weer bannig opreegt. Werrn se nich doch in Vagelbeerboom?
De Gimpel weern wedder dor! Wat scheun! Miene Doompfaffen! Bit annermaal grööt Se Ehr Sünnschienkieker.
|
11.12.2018 |