Pagels-Planten 2020 Al siet 'n Tied maakt de oostfreesche Hobbyfotograf Thomas Seemann Natuurfotos för Fotokalenner, de sien Team "Tandem"/OBW rutgifft. In de twee verleden Johr hebbt wi mit düsse Fotos en Kalenner mit Bottervagels un een mit annere Luftakrobaten in Pagels' Goorn maakt. 2020 wüllt wi en Kalenner de besünnern Planten in den Pagels-Goorn in Leer widmen. Jede Plant warrt vörstellt un to'n Sluss mit en Riemel ehrt. Hier is de Översicht över all Planten. Se köönt de Fotos per Klick vergröttern. Trüch kaamt Se denn mit den Zurück-Knoop op de Browser-Symboolliest. Oktober-Plant: vun Thomas Seemann un Marlou Lessing Astern sünd de Steerns vun'n Harvst. In en Buerngoorn sünd se nu nich wegtodenken. Ehr Naam stammt vun dat latiensche Woort "astrum" för "Steern" (dorwegen ok "Astronomie"). De Familie vun Asterngewächse (Asteraceae orr Korbblütler) hett meistto 600 Liddmaten, de kaamt överall in de Welt vör un sünd teemlich ünnerscheedlich. Dat gifft Astern, de al in Maimaand to blöhn anfangt; hier wüllt wi avers de Harvstaster de Ehr geven.
Wullt du Harvstastern planten, op't best as Staude in't Beet, denn is dat Fröhjohr de beste Tied. Se mucht geern veel Sünnschien! To dröög mag de Aster dat aver ok nich hebben, also in'n Sommer mal geten. Un denn laat ehr teihn Johr orr so an'n sülven Platz wokern.
lütt steernenmeer opleevst wöörn ji avers dat geiht so seht ji denk an de steerns!, denk 12.10.2020
|