...orr wenn Oostern un Wiehnachten op een Dag fallt vun Karl-H. Nissen "Dat hett, glööv ik, letzt Nacht en beten weiht. Af
un to slöög wat gegen dat Finster, ik kunn gor nich recht
slapen." Nu weer Luft. Uns Naver keem un keek, uns Jung keem mit en Motorsaag
un mit siene dree Kinner. Dat duur nich lang, un de Boom weer in Stücken
saagt. De Jung nehm sik dat dicke Holt mit för sienen Kamin,
de dünnen Telgen legen an de Siet. Allens harr gau wedder sien
Ordnung. Dat weer ok noch nich so leeg. So'n Wichel kümmt gau wedder
in'n Gang. Man twee Daag vörher harr Anneke ehre bunten Oostereier
dor anbummelt,
un de legen nu all up un in de natte Eerd. Nu heff ik de Wichel kort afsneden, se is för bunte Eier dit
Johr nich mehr to bruken. De Smetterlingsboom is ok al trüchsneden,
man Anneke wüß sik to helpen. Se hett nu ehre Eier an den
lütten Dannenboom hangt, de in de Eck steiht. Un wenn een nu noch bedenkt, dat dat Hoochdruckrebett, wat uns düsse Oostern 2004 dat schöne Wedder maakt, doch wohraftig "Nikolaus" heten deit, denn fallt Oostern un Wiehnachten düt Johr würklich op een Dag, nich? Naja, tominnst binah. |