Dei Komet Neowise

van Ludgerd Lüske

Disse Biller van dat ESA/NASA-SOHO (Sünnen- un Heliosphärischke Observatorium) wiest den Kometen Neowise, as dei Ende Juni 2020 duuner an dei Sünne ran köm.

Dat Instrument, dat disse Daoten bewarkt hätt, is ein Koronagraph. Dei hätt eine faste Schiewe tau'n Affdecken van den lechten Sünnenkuller, so süht man dei bütste Atmosphäre, dei Korona, tausaome mit annere Objekte as den Komet Neowise (dei rode Piel wieset darop).

Klick up tau'n Vergröttern! Bild-Daoten: NASA

Dei Komet C/2020 F3 Neowise schinnt as eine Riege van unscharpe rote Stippen in den ünnen staohn tausaomesetten Packen van Infrarotbiller. Dei NASA-Neowise-Mission (Near-Earth Object Wide-field Infrared Survey Explorer) hätt dei an'n 27. März 2020 knipst. Dunn hätt dei Komet sienen Naom nao dat Instrument krägen.

Klick up tau'n Vergröttern! Bild-Daoten: NASA

Mit disse Biller hätt man den Komet funnen. Dorbi sehg man sien Bewägen äöwer den Häwen vör dei staohn Sterne un Galaxien. Dit sünd Falschfarwen-Infrarotbiller. Dei lang-trocken Halo off Koma van den Komet ut Gas un Stoff kunn man all up dei eiersten Biller seihn. Dei Komet lätt väl roder as dei Achtergrund-Sterne un Galaxien, wiel dei väl köller is un so bi längere Wellenlängten mehr Lecht utstraohlt.

Dei Komet C/2020 F3 Neowise, den man blots Neowise neumt, wörd seihn van eine Riege Ruumfohrtüge: dei Parker-Solar-Sonde, dat STEREO (Solar and Terrestrial Relations Observatory) van dei NASA, dat ESA/NASA SOHO (Solar and Heliospheric Observatory) un dei Astronauten an Bord van dei Internationaole Ruumstation.

Ein originaolet Bild van dat WISPR-Instrument an Bord van dei NASA-Parker-Solarsonde wiest den Komet Neowise an'n 5. Juli 2020, kort nao siene duunste Baohn an dei Sünne vörbi:

Dei wunnerschöne Komet, links buten dat Bild dei Sünne. Vör 5000 orr 7000 Johren weer hei taulesde so van dei Eerd ut tau seihn. Wat mötet dei Minschken in dei Jungsteintied sik in de Büx maoket hebben vör Bang!
Klick up tau'n Vergröttern! Bild-Daoten: NASA

Dat bewarkte Bild ut dat WISPR-Instrument up dei NASA-Parker-Solarsonde wiest mehr Details: dei Twillingssteerde von Neowise, van'n 5. Juli 2020.
Dei unnere, breiere Stert ist dei Stoffsteert, un dei dünnere, bäöwere is de Ionensteert van den Komet.

Klick up tau'n Vergröttern! Bild-Daoten: NASA

Dit Bild van Neowise knipsde dat NASA-STEREO (Solar and Terrestrial Relations Observatory), an'n 24. Juni 2020 as dei Komet duuner an dei Sünne vörbi flög. Dei was in dat Sichtfeld van dat Heliospherischke Bildsystem van STEREO.
Bi dit Bild mök man eine Kontrastverstärkung.

Klick up tau'n Vergröttern! Bild-Daoten: NASA

Dat letzte Bild hätt Wolfram Rüger hier in Resthuusen in't Cloppenburgische mit en Handkamerao schaoten. Leider kriggst solk Biller bloots verpixelt hen.

Klick up tau'n Vergröttern! Bild: Wolfram Rüger

Hier noch ein paar Links:

Dat Stereo-Instrument
Dat SOHO-Instrument
Dei Komet