Marssonde Maven Dei Sünnenwind-Elektronen-Anaolysator (SWEA) van Ludgerd Lüske SWEA mätt dei Raote van dei Elektronen-Stöt-Ionistation, dei Magnetfeld-Topologie, dat Plasma-Regime, dei Photoelektronen-Energiespektren, dei Eigenschkupen van dei Polarelektronen und dat Wesselwarken tüschken den Sünnenwind mit dei Mars-Atmosphäre. Dat Instrument mätt Energie un Winkelverdeilungen van den Sünnenwind un dei Magnet-Tüschkenfeld-Elektronen un uck van dei ionosphärischken Photoelektronen van 5 eV bit 6 keV. Dat System mätt in einen 10-Sekunnen-Affstand. So kann et Magnetbarge un dei Bugwelle faoten. David Mitchell hätt dat Lei äöwer dit Instrument (SWEA), Bild baoven: NASA/SSL. Dit Bild wieset den Apparaot, as dei jüst fardig was, in'n September 2013. Don mök man aals praot för den Start van Maven.
Dei Mars hätt eine Ionosphäre, aower kien globaolet binnenliggen Magnetfeld. Blots in dei Südhemisphäre van dissen Planet giff et so blots ein starket lokaolet Magnetiseiern in dei Planet-Kossen. Dordör trätt ein komplexet Wesselwarken tüschken dei Ionosphäre un den Sünnenwind up: Äöwer dei Nordhemisphäre ligg eine stabile Bäöwergrenze van dei Ionosphäre un eine magnetischke Kompressionslaoge. Äöwer den Südglobus giff et Plasmastrukturen, bold so as äöwer dei Polkappen up dei Eern. Vörhäbben: Faoten will man van dei Magneto-Plasma-Topologie in un äöwer dei Mars-Ionosphäre, dör Elektronenspektren un dör Afflenk-Winkel-Verdeilungen. Mäten dait man uck dei atmosphärischken Elektronen-Stöt-Ionisationseffekte. Wohrnähmungen: Dei Apparaot mätt dei Energie un dei Winkelverdeilungen van
dei Elektronen rund üm den Mars. Technik-Saoken un Daoten: Ein elektrostaotischke Analysaotor mit Afflenk-Anlaoge in Halfkugelform is an Bord. Hei faotet Elektronen mit Energien van 5 bi 4,6 keV.
SWEA is an'n End van den 1,5 Meter-Arm upbawet. So hätt dei Apparaot naug Affstand van dat eigene Sondenpotentiaol. Dat annere Sondendeil ligg so nich in dat Sichtfeld, dei Sondenkopp werd dorbi keuhl in den Sondenschadden hollen, aower dei Elektronik-Kassen bliff doch in dei Sünne. 16.11.2014
|