Marssonde Maven ünnersöch dei wesselhafte Marsatmosphäre

Maven-Instrumente, Deil 1:
Neutraol-Gas- un Ionen-Massen-Spectrometer

van Ludgerd Lüske


Dei Sonde Maven ünnersöch dei Atmosphäre van den Mars. Wi häbbt ehr vörstellt, as sei dei eiersten Biller schickete. Sei wieset einen Planet, dei staodig wat van sien Materiaol verlüß.


Maven över den Mars. Klick op tau'n Vergröttern!

Maven startede mit eine Atlas V (401)-Rakete an den 18. November 2013 in Cape Canaveral. An'n 22. September 2014 güng Maven in den eliptischken Mars-Ümloop, tüschen 144 km un 6228 km Höchte äöwer den Marsbodden.

Mit eine Riege van Instrumente ünnersöch Maven nu dei Mars-Atmospäre.


Klick up tau'n Vergröttern!

Disse Instrumente stellt wi hier in eine Bidragriege vör. Aale Saoken kann man hier nich einkeln verkloren. Wer mehr wäten will, kann dat up dei Nasa-Sieten naokieken. Oder hier naokieken bi Universität van Colorado. Oder hier naokieken bi Spaceflight101.


So süht dat Instrument van buten ut: Neutral Gas and Ion Mass Spectrometer (NGIMS). Bilddaoten


Dat Neutraol-Gas un Ionenmassenspektrometer (NGIMS) mätt dat Tausaomesetten van dei Isotopen un van dei thermischk neutraolen Deilkes un van dei Ionen.

Vörhäbben:

  • Upkloren van dei Struktur un dei Ännerungen van dei Neutraol-Gas-Atmosphäre äöwer den Mars-Globus; van dei Homopause rup bit tau dei Exobase, wor dat neutraole Gas in den Weltruum affgaohn kann.
  • Eine Grundlaoge finnen för dat Ünnerseuken van dei Thermosphären-Energetik, den Transport, den Ümloop un van dat Entstaohn van dei Ionosphäre.
  • Dorstellen, wo dei leegeren Atmospären-Effekte up dat Tausaomesetten van dei bäöweren Atmospäre un den Deilkenaffgang warket.


Marsatmosphäre, Äöwersicht (Bild: L. Lüske). Klick up tau'n Vergröttern!

Wohrnähmungen:

  • Grundstruktur van dei bäöweren Atmosphäre (Hauptelemente He, N, O, CO, N2, NO, O2, Ar un CO2) un van dei Ionosphäre van dei Homopause hoch bit nao dei Exobase.
  • Stabile Isotopenrelationen un Variationen

Technik-Saoken un Daoten (süh Bild nerrn):

  • Quadrupol-Massenspektrometer mit aopen un schlaoten Ursprung
  • Open Source: Neutraolgas-Deilkes un Ionen
  • Closed Source: nich-reaktiven Neutraolgas-Deilkes
  • Massenberiek: 2-150 Da
    1 Dalton (Da) = 1 Atomare Masseneinheit (u), defineiert as 1/12 van dei Masse van ein Kaohlenstoff-12-Atom
  • Massen-Uplösung: 1 Da
  • Modi: Scan van aale Massenspektren off anpasst för wisse Massen
  • Empfindlichkeit: 10-2 (Tellimpulse / s) / (Teilchen / cm-3)
  • Daoten van Galileo GPMS, Pioneer Venus ONMS Cassini INMS, Kontur NGIMS — dat is för dei Navigation.


Funktschoonswies van dat "Neutral Gas and Ion Mass Spectrometer" (NGIMS). Bild: L. Lüske. Klick up tau'n Vergröttern!

Instrument-Veröffentlichung:

Dei Ionenmassenspektrometer-Mission äöwer dat neutraole Gas un dei Wesselwark-Entwicklung in dei Mars-Atmosphäre (Ruumfohrt-Berichte — Artikel-online ut'n September 2014).



9.8.2014


na baven